BMG, Durnukly ösüş maksatlaryny durmuşa geçirmekde gazanylan üstünlikler boýunça Meýletin milli synynyň çäginde gyzyklanýan taraplar bilen inklýuziw maslahatlary geçirýär

Maslahata BMG-niň we Türkmenistanyň Hökümetiniň 2021-2025-nji ýyllar üçin Durnukly ösüş ugrunda hyzmatdaşlygyň çarçuwaly maksatnamasynyň durmuşa geçirilişine jogapkär pudaklaýyn ministrlikleriň wekilleri ýaly milli hyzmatdaşlar, mejlisiň agzalary, ýaşlar, jemgyýetçilik guramalary, hususy pudak we beýlekiler gyzyklanýan taraplar gatnaşdy. Duşuşyklar DÖM-ny durmuşa geçirmegiň esasy netijelerini, 2030-njy ýyla çenli döwür üçin ösüşiň ileri tutulýan ugurlaryny we DÖM-ny durmuşa geçirmegiň innowasion ugurlaryny ara alyp maslahatlaşmaga gönükdürildi.

BMG-niň Aziýa we Ýuwaş umman sebiti üçin Yldysady we durmuş meseleleri boýunça komissiýasynyň Meýletin milli synyny işläp düzmek boýunça halkara bilermeni hanym Keýtlin Porter gatnaşyjylary Meýletin milli syny işläp düzmek boýunça öňdebaryjy tejribeler bilen tanyşdyrdy we DÖM-ny durmuşa geçirmek prosesini, şol sanda üstünlikleri, kynçylyklary, innowasion çözgütleri we geljekde ileri tutulýan ugurlary ara alyp maslahatlaşdy.

Bu maslahatlaryň netijeleri, 2023-nji ýylda Ykdysady we durmuş geňeşiniň (ECOSOC) howandarlygynda geçiriljek, ýokary derejeli syýasy forumda hödürlenjek Türkmenistanyň Meýletin milli synyna giriziler.