“Biz dürli – emma deň” inklýusiw festiwaly Aşgabatda dürlüligi we mümkinçilikleri dabaralandyrdy

Aşgabat, 2025-nji ýylyň 15-nji noýabry – Aşgabadyň Medeniýet we Dynç Alyş seýilgähinde her ýyl geçirilýän “Biz dürli – emma deň” atly Inkýuziw Festiwaly döredijiligi, tutanýerliligi we deňligi belleýän, dürli jemgyýetleri birleşdiren şatlykly, reňkli we joşgunly çäre boldy. BMG-niň Türkmenistandaky edarasy tarapyndan, Daşary işler ministrligi, raýat jemgyýeti guramalary we ýaş aktiwistler bilen hyzmatdaşlykda gurnalan festiwal ýetip gelýän Halkara maýyplar gününe bagyşlandy.

Inkýuziwligiň Festiwaly

Çäräniň açylyşynda BMG-niň Türkmenistandaky Hemişelik utgaşdyryjysy Dmitriý Şlapaçenko çykyş edip, inkýuziwligiň möhümdigini nygtady:

“Bu festiwal diňe bir dabaralandyrmak däl – bu deňlik, inklýuziwlik we hemmeler üçin mertebe ýaly umumy gymmatlyklarymyzyň güýçli beýanydyr. Maýyplygy bolan adamlar jemgyýetiň doly hukukly gatnaşyjylary bolup, innowasiýalary we ösüşi öňe sürmekde möhüm rol oýnaýarlar. Bilelikde, elýeterliligiň ikinji plan däl-de, her bir syýasatyň we her bir maksatnamanyň aýrylmaz bölegi bolan dünýäni döredip bileris."

Ol şeýle hem şu ýylyň 11-nji noýabrynda geçirilen “Hyzmatdaşlyk arkaly inklýuziýa” atly tegelek stol duşuşygyny ýatlap, hökümet, BMG guramalary we raýat jemgyýetiniň maýyplygy bolan adamlar üçin kanun we syýasatlary kämilleşdirmek boýunça tagallalaryny birleşdirendigini aýtdy.

Sport, döredijilik we jemgyýetçilik ruhy

Inklyuziw woleýbol we stol tennisi oýunlaryndan başlap, küşt we estafeta bäsleşiklerine çenli – festiwal dürli sport çärelerini özünde jemledi. Çagalar akwagrim, eko-el işleri we asfaltda surat çekmek ýaly çärelerden lezzet aldylar; sahnada bolsa aýdym we tans çykyşlary giň ruhubelentlik döretdi. Diwara dyrmaşmak we uýgunlaşdyrylan tennis sapaklary fiziki mümkinçiliklerine garamazdan hemmeler üçin açykdy.

Festiwaldan Seslenmeler

Festiwal köp gatnaşyjylar üçin ylham we baglanyşyk pursatyna öwrüldi. Reabilitasiýa merkeziniň ýaş aýdymçysy Azym Atagarryýew şeýle gürrüň berdi:

"Haçan-de men bu sahnada aýdym aýdanymda, özümi buýsançly duýýaryn. Bu diňe saz däl - bu biziň her birimiziň zehinimiziň we arzuwlarymyzyň bardygyny görkezmek üçin mümkinçilik. Şeýle çäreler bize hormat we degişlilik duýgusyny berýär."

Kerler we körler jemgyýetiniň wekili Leýla Ataýewa şeýle belledi:

“Biziň üçin bu festiwala gatnaşmak – görünmek we eşidilmek diýmekdir. Bu biziň işjeň, döredijilikli we başarjaňdygymyzy görkezmek üçin mümkinçilikdir. Inkluziwlik gatnaşmakdyr we şu gün biz muny doly derejede başdan geçirýäris."

Ýürekden çykan aýdymy ýerine ýetiren Maral Halmyradowa hem öz tejribesini paýlaşdy:

“Aýdym meniň sesimdir. Bu ýerde çykyş etmek maňa ynam hem-de şatlyk berýär. Men adamlaryň maýyplygyň biziň kimdigimizi kesgitlemeýändigini – talantlarymyzyň we arzuwlarymyzyň kesgitleýändigini bilmegini isleýärin.”

Inklýuziw geljege ygrarlylyk

Inklyuziw Festiwal Türkmenistanyň Maýyplaryň Hukuklary baradaky Konwensiýa we Durnukly Ösüş boýunça 2030-njy ýyl Gün tertibine bolan ygrarlylygyny görkezýär, “Hiç kimi yza goýmazlyk” ýörelgesini güýçlendirýär. Bu çäre şeýle hem inklyuziw bilimi giňeltmek, maýyplygy bolan adamlar üçin elýeterli saglygy goraýyş we sosial hyzmatlary ösdürmek we jemgyýetçilik gatnaşygy höweslendirmek boýunça dowam edýän tagallalara esaslanýar.

Festiwal joşgunly fleshmob we el çarpyşmalar bilen tamamlandy – bu inklýuziwligiň diňe bir maksat däl-de, ýaşaýşyň ýörelgesidigini ýatladýan güýçli pursat boldy.