Press reliz

Türkmenistan DÖM-ler boýunça maglumat hasabatlylygyny tehniki maslahat arkaly pugtalandyrýar

18 iýun 2026

Aşgabat, 2026-njy ýylyň 18-nji iýuny – Türkmenistandaky BMG-niň Hemişelik utgaşdyryjysynyň edarasy Durnukly Ösüş Maksatlarynyň (DÖM) görkezijileri boýunça hasabatlylygyň hilini we yzygiderliligini ýokarlandyrmak maksady bilen milli hyzmatdaşlary hem-de Birleşen Milletler Guramasynyň degişli edaralaryny bir ýere jemlän tehniki duşuşygy gurnady.

Duşuşyga Maliýe we ykdysadyýet ministrligi hem-de Döwlet statistika komiteti ýaly esasy döwlet edaralarynyň wekilleri, şeýle hem resmi statistiki maglumatlaryň taýýarlanylmagyna we hasabatlylygyna gatnaşýan pudaklaýyn ministrlikleriň we edaralaryň wekilleri gatnaşdylar.

Maslahat 2027-nji ýylda Durnukly ösüş boýunça Ýokary derejeli syýasy forumda hödürlenjek Türkmenistanyň üçünji Meýletin milli synyna taýýarlyk işleriniň çäklerinde geçirildi.

Gatnaşyjylar DÖM maglumatlary boýunça 25-den gowrak görkezijä degişli hasabatlylykda bar bolan boşluklary we tapawutlary ýüze çykarmaga, şeýle hem milli statistika ulgamlary bilen ählumumy hasabatlylyk çarçuwalarynyň arasyndaky sazlaşygy pugtalandyrmaga gönükdirilen tehniki pursatlary ara alyp maslahatlaşdylar.

Halkara hyzmatdaşlar, şol sanda Halkara Telekommunikasiýa Bileleşigi, Halkara Zähmet Guramasy, BMG-niň Azyk we oba hojalyk guramasy, Bütindünýä banky hem-de Halkara Walýuta Gaznasy, onlaýn gatnaşyp, bilimlerini we tejribelerini paýlaşdylar.

Duşuşyk milli edaralar bilen halkara guramalarynyň arasynda gepleşik geçirmek üçin meýdança bolup hyzmat etdi we DÖM-leriň gözegçiliginde utgaşdyrmagyň, maglumat hiliniň hem-de metodologik sazlaşygyň gowulandyrylmagyna ýardam berdi.

Birleşen Milletler Guramasy Türkmenistanyň milli statistika mümkinçiliklerini pugtalandyrmakda we 2030-njy ýyla çenli Durnukly ösüş boýunça Gün tertibini durmuşa geçirmekde goldaw bermegini dowam etdirmäge ygrarlydygyny tassyklaýar.