HMG milli meýilnamalaşdyryş we strategiýany işläp düzmek işleri üçin migrasiýa barada maglumatlary ulanmak boýunça milli okuw maslahatyny geçirdi

Maslahatyň maksady subutnamalara esaslanýan migrasiýa maglumatlary we görkezijileri esasynda migrasiýa pudagyny dolandyrmak boýunça syýasaty işläp düzmek üçin Türkmenistanyň hökümetine goldaw bermek, şeýle hem milli migrasiýa strategiýasyny işläp düzmek üçin migrasiýa barada maglumatlary ulanmak ugrunda mümkinçilikleri artdyrmak boldy. Bu okuw maslahaty migrasiýa barada maglumatlary ýygnamakda we derňemekde gender meselelesini göz öňüne tutup, milli meýilnamalaşdyryş işlerinde erkek we aýal migrantlarynyň deň derejede garalmagyny üpjün etdi.

Bu okuw maslahatyna migrasiýa barada maglumatlary ýygnamak bilen megullanýan Türkmenistanyň hökümetiniň ministrlikleriniň we pudaklarynyň wekilleri, şeýle hem Türkmenistanyň Döwlet migrasiýa gullugy, Türkmenistanyň Maliýe we ykdysadyýet ministrligi, Türkmenistanyň Zähmet we ilaty durmuş taýdan goramak ministrligi, Türkmenistanyň Döwlet statistika komiteti, Türkmenistanyň Bilim ministrligi, Türkmenistanyň Döwlet, Hukuk we Demokratiýa instituty we Türkmenistanyň Mejlisi gatnaşdy. Okuw maslahatynda migrasiýa dolandyryşy, statistika, sosiologiýa ugrunda halkara hünärmenler, Gyrgyzystanyň, Täjigistanyň, Özbegistanyň, Gazagystanyň we Russiýa Federasiýasynyň milli hünärmenleri, şeýle hem maglumatlary gözlemek, ýygnamak we seljermek boýunça HMG-niň sebitleýin hünärmenleri çykyş etdiler.