Guramaçylar
RCODurnukly ösüşiň maksatlary
Habarlaşmak üçin maglumat
batyr.gurdov@un.orgDurnukly ösüş maksatlarynyň Ýaş ilçileri, 4-nji tapgyr
BMG-niň Türkmenistandaky wekilhanasy, Türkmenistanyň Daşary işler ministrligi hem-de Maliýe we ykdysadyýet ministrligi Durnukly ösüş maksatlarynyň 2024-2025-nji ýyllar üçin Ýaş ilçiligine (DÖM-iň Ýaş ilçileri) saýlawlaryň başlandygyny yglan edýär. 4-nji tapgyra başlaýan bu meýilnama, Türkmenistanyň ýaşlaryny 2030-njy ýyla çenli döwür üçin Gün tertibinde görkezilen Durnukly ösüş maksatlaryna ýetmek boýunça çärelere işjeň gatnaşmaklaryny gazanmaga gönükdirilen.
Ýerleşýän ýeri
Çäre barada
Meýilnamanyň maksady:
Bu meýilnamanyň maksady Türkmenistanyň ýaşlarynyň arasynda Durnukly ösüş maksatlary (DÖM) barada habardarlylygy artdyrmakdan ybarat. Meýilnama jemgyýetçilik başlangyçlaryny goldaýar we ýaşlaryň mümkinçiliklerini artdyýar. Ýaşlara DÖM-i öňe sürmegiň başarnyklaryny we özara hyzmatdaşlyk etmegi öwretmek bilen bir hatarda, bu meýilnama ýaşlara jemgyýetde çykyş etmegiň usullaryny hem öwredýär. Şeýle hem bu meýilnama ýaşlaryň DÖM bilen baglanyşykly dürli çärelere gatnaşmagyna mümkinçilik döredýär, DÖM-iň Ýaş ilçileriniň özara gatnaşygyny utgaşdyýar we olaryň durnukly ösüş babatdaky başlangyçlaryny goldaýar.
Saýlawlara gatnaşmagyň tertibi:
DÖM-iň 2024-2025-nji ýyllar üçin Ýaş ilçileriniň saýlawlary 2024-nji ýylyň 1-31 marty aralygynda geçiriler.
Saýlawlara aşakda görkezilen salgylanma arkaly gatnaşyp bilersiňiz. Aşakda görkezilenler boýunça maglumat bermek arkaly salgylanmadaky sowalnamany dolduryň:
- Şahsy maglumatlaryňyz.
- Häzirki wagtda ýerine ýetirýän işiňiz.
- 17 sany Durnukly ösüş maksatlarynyň haýsysyny saýlaýandygyňyzy we näme üçin şol maksady saýlandygyňyzy düşündiriň.
- Durnukly ösüş maksatlarynyň haýsysyny saýlaýandygyňyzy görkezip, näme üçin DÖM-iň Ýaş ilçisi bolmak isleýändigiňiz barada iňlis dilinde düzme (essay) ýazyň.
- Saýlawa gatnaşmak üçin Google Forms salgylanmasy: https://forms.gle/Co9arw6175TFyGH58
Saýlaw:
- Ähli dalaşgärleriň sowalnamalary barlagdan geçirilenden soň jemleýji tapgyra gatnaşyjylaryň sanawy düzüler we olar elektron hat arkaly söhbetdeşlige çagyrylarlar.
- Barlaglar 2024-nji ýylyň maý aýynda geçiriler. Barlag topary BMG-niň Türkmenistandaky wekilhanasynyň, Türkmenistanyň Daşary işler ministrliginiň hem-de Maliýe we Ykdysadyýet ministrliginiň wekillerinden ybarat bolar. Söhbetdeşlikler jemleýji sanawdaky her bir dalaşgär bilen aýratynlykda geçiriler.
- Bellik: söhbetdeşlige diňe jemleýji sanawa goşulan dalaşgärler çagyrylar.
Saýlawyň netijeleri:
Saýlawlaryň netijesi BMG-niň resmi web-saýtynda we sosial torlardaky sahypalarynda yglan ediler.
