Meýletin milli syny taýýarlamagyň möhletlerini bellemek

Duşuşyga BMG-niň ýurt boýunça topary çagyryldy. BMG-niň Hemişelik utgaşdyryjysy hanym Ýelena Panowa hasabatyň düzümi bilen tanyşdyrdy we syny taýýarlamagyň möhletini teklip etdi. Ol synyň gazanylan netijeleriniň Durnukly ösüş maksatlarynyň ugurlaryny milli derejede durmuşa geçirmekde goşan goşandyny şöhlelendirmelidigini belledi we Gün tertibiniň esasy ýörelgesini, ýagny “ähli adamlar üçin durnukly ösüşi üpjün etmek” ýörelgesini durmuşa geçirmek üçin işiň haýsy ugurlarynyň berkidilmelidigi barada maglumat berdi.  

Durnukly ösüş maksatlaryny durmuşa geçirmegiň umumy platformasyny döretmek barada köpsanly döwlet edaralaryny, BMG-niň gulluklaryny öz içine alýan Türkmenistanyň Maliýe we ykdysadyýet ministrligi bilen bilelikdäki taslamanyň esasy ugurlary bellenilip, amala aşyrylan bilelikdäki işleriň netijeleri barada gatnaşyjylara habar berildi.   

Duşuşygyň netijesinde, gatnaşyjylar hasabat beriş prosesine dürli taraplary, şol sanda ýaşlary, hökümete degişli bolmadyk guramalary we hususy sektory çekmek hakynda ylalaşdy. Bu barada jikme-jik meýilnama görkezildi. Gatnaşyjylar hasabatyň taslamasyny kabul etmek üçin indiki gezek duşuşmaga razylaşdy.