Türkmenistan ikinji Meýletin Milli syny bermek üçin taýýarlyk görýär

Ministrliklere wekilçilik edýän, bilermen derejesi bolan gatnaşyjylar MMS-y alyp barmak we MMS-yň Milli hasabatyny işläp düzmek üçin bilelikde geçirmeli çäreleri, şol sanda Bilelikdäki pudagara iş toparyny döretmek, MMS-da öz beýanyny tapjak, şeýle-de indiki ýokary derejeli syýasy forumyň üns merkezinde boljak DÖM 6, 7, 9, 11 we 13-den başga-da, 1, 2, 3, 4 we 13 DÖM-ny saýlamak we MMS-yň statistiki goşundysyny taýýarlamak ýaly meseleleri ara alyp maslahatlaşdylar.

“Biz DÖM-niň durmuşa geçirilişi barada orta möhletleýin synyň netijeleri bilen tanyşdyk we Türkmenistanyň statistika ulgamy Hökümediň maksatlary üçin statistika ýygnaýandygyny bellemek bolar. Ikinji MMS-da öz beýanyny tapan, DÖM-lar babatynda ministrlikler bilen şu günki geçirilen işjeň maslahat we ylalaşyk umytlandyrýar we BMG ulgamy hiç kiminiň ünsden düşmezligini üpjün edýän, 2030-njy ýyla çenli döwür üçin Gün tertibini durmuşa geçirmek ugrunda ýurda mundan beýläk-de goldaw berer,"- diýip, BMG-niň Hemişelik utgaşyryjysynyň wekilhanasynyň ykdysatçysy jenap Wladimir Waletka aýtdy.

Mundan başga-da, DÖM boýunça iş toparynyň agzalary Türkmenistanyň global maglumat binýadyna hasabat bermeýän, millileşdirilen DÖM-niň görkezijilerini döretmek boýunça Milli Hereketler meýilnamasyny işläp düzmek üçin geçirmeli çäreleri ara alyp maslahatlaşdylar. Bu meýilnama her milli görkeziji üçin aýratyn çäreleri, şeýle hem jogapkär bolan milli edaralary we BMG-niň düzümleýin edaralaryny, möhletleri we her görkeziji üçin zerur bolan býudjeti görkezmelidir. Ol görkezijiniň usulyýetiniň çylşyrymlylygyna baglylykda 1-3 ýylyň içinde durmuşa geçirilip bilner.

****

Türkmenistanyň Hökümeti 2019-njy ýylda ilkinji MMS-ny hödürledi, has giňişleýin maglumaty şu ýerden tapyp bilersiňiz.