BMG-niň işgärleri üçin adamyň ýaramaz endikleri boýunça okuwlar

Okuw AIW ýokanjy/AIDS keseli barada bolup, ol BMG-niň Neşe serişdeleri we jenaýatçylyga garşy göreşmek guramasynyň wekili Annatäç Mämmedowa tarapyndan geçirildi. Okuwlara BMG-niň ähli gulluklaryndan 30 sany wekil gatnaşdy. Okuwyň temasy örän möhüm we döwrebap boldy, çünki ýaramaz endikler köp adamlara öz täsirini ýetirýär. 

Okuw nazary maglumaty, durmuşy mysallary we amaly gönükmeleri öz içine alyp, olaryň netijesinde gatnaşyjylar tema has çuň derejede girişdi. Okuwyň dowamynda gatnaşyjylar ýaramaz endikleriň dürli gönüşleri barada öwrendi. BMG-niň işgärleri ýaramaz endikleriň sebäpleri we netijeleri barada maglumat aldy. Amaly gönükmeler bolsa gatnaşyjylara maşgalanyň çägindäki rollara düşünmäge we ol rollaryň şahsyýeti kemala getirmekde ýetirýän täsirine göz ýetirmäge mümkinçilik berdi.

Gatnaşyjylaryň biri bu meseleleriň hökman ara alnyp maslahatlaşylmalydygyny hem-de bu meseleleriň sebäpleriniň, köplenç ýagdaýda, maşgaladan gelip çykýandygyny belledi. Gatnaşyjylar okuwa işjeň gatnaşdy we bu tema uly gyzyklanma görkezdi. Indiki okuw ýaramaz endikleri bejermegiň ýollaryna bagyşlanar.