12-nji we 13-nji gün: DÖM boýunça konsultasiýalar 8-nji “Mynasyp iş ýerleri we ykdysady ösüş” maksadyna bagyşlandy.

DÖM boýunça konsultasiýalaryň maslahatlary 8-nji “Durnukly ykdysady ösüşe ýardam etmek, hemmeleriň doly we netijeli işli bolmagy hem-de mynasyp iş ýerleri” maksat boýunça dowam etdirildi. Bu günki maslahat ÝUNFPA, Türkmenistanyň zähmet we sosial gorag ministrligi, Türkmenistanyň ykdysadyýet we ösüş ministrligi tarapyndan hem-de BMGÖM, MHG we “BMG zenanlary” guramalarynyň goldawy bilen geçirildi. Maksat şu aşakdakylary öz içine alýar,

“Soňky 25 ýylyň dowamynda 2008-2009-njy ýyllaryň dowamly ykdysady çökgünligine garamazdan garyplykda ýaşaýan işgärleriň sany dessine azaldy. Ösüp barýan ýurtlarda häzirki wagtda orta gatlak umumy işlileriň sanynyň 34 göterimini düzýär, bu görkeziji 1994-nji we 2005-nji ýyllar aralygynda üç esse köpeldi.

Dünýä ykdysadyýetiniň dikelmegine görä, biz has haýal ösüşi, ösüýän deňsizligi hem-de ösüp barýan işçi güýjünden yza galmazlyk üçin ýeterlik derejede tiz giňelmeýän işliligi görýäris. Halkara zähmet guramasynyň maglumatlaryna laýyklykda, 2015-nji ýylda 204 million töweregi adam işsiz galdy”.

11 töweregi ministrlikleriň we edaralaryň wekilleri 8-nji maksada ýetmegiň on iki wezipesini hem-de olaryň Türkmenistan üçin aktuallygyny ara alyp maslahatlaşdylar. Bu günki konsultasiýalaryň wekilleri bäş wezipäni bolşy ýaly kabul etmek, üçüsini ýerli şertlere laýyklykda üýtgetmek, ýene ikisini hem degişli milli usulyýetler işläp düzülenden soňra kabul etmek boýunça ylalaşdylar. 17 görkezijiniň bäşisi üýtgewsiz kabul edildi. Altysy ýerli kontekst boýunça üýtgedildi we ikisi soňlugy bilen anyklanmaga degişli bolup durýar.

Maslahatyň ünsi ýaşlar, migrantlar we işsizler ýaly maksatlaýyn toparlara işe durmakda ýardam bermekde jemlendi. Gatnaşyjylar şol toparlar üçin zähmet şertleriniň gowulandyrylmagynyň hem-de sosial ýeňillikleriň berilmegini wajyplygyny belläp geçdiler.

Olar şeýle hem bar bolam taslamalary durmuşa geçirýän Türkmenistandaky häzirki we täze maksatnamalary belläp geçdiler. Mysal üçin, ýaşlaryň işe ýerleşmekleri boýunça golaýda tassyklanan milli maksatnama işlilik, telekeçilik we ýaş maşgalalara kömek bermek ugurlaryny öz içine alýar. Türkmenistan üçin ähmiýetli görkezijileri durmuşa geçirmek üçin gatnaşyjylar DÖM boýunça jemleýji tapgyryň bir bölegi boljak çäreler ulgamyny işläp düzmek boýunça ylalaşdylar.