17-njy gün: DÖM boýunça konsultasiýalar 17-nji “Durnukly ösüşiň bähbidine hyzmatdaşlyk” maksadyna bagyşlandy.

Türkmenistan DÖM boýunça konsultasiýalaryň jemelýji maslahaty 17-nji “Durnukly ösüşiň bähbidine global hyzmatdaşlygyň durmuşa geçirilmegini we işjeňleşdirilmegini berkitmek” maksady ara alyp maslahatlaşmak bilen tamamlandy. Bu konsultasiýa Türkmenistanyň maliýe ministrliginiň, Ykdysadyýet we ösüş ministrliginiň Bütindünýä bankynyň ýolbaşçylygynda, hem-de BMGÖM we ÝUNISEF guramalarynyň goldamagynda geçirildi. Maksat şu aşakdakylary öz içine alýar:

“2000-nji we 2014-nji ýyllar aralygynda ösüşiň bähbidine ösen döwletlerden resmi kömek 66 göterim artan hem bolsa, konfliktler ýa-da tebigy betbagtçylyklar zerarly bolup geçýän gumanitar çökgünlikler ozalkylary ýaly maliýe çeşmelerini we kömegi talap edýär. Köp ýurtlar söwdanyň ösmegini höweslendirmek üçin ösüşiň bahbidine resmi kömege mätäç bolup galýarlar.

Häzirki wagtda dünýä öňkülerinden hem has ýokary derejede özara baglanyşykly. Tehnologiýalaryň we bilimleriň elýeterligini gowulandyrmak pikirleriň çalşygynyň hem-de innowasiýalary höweslendirmegiň möhüm usuly bolup durýar. Ösüp barýan ýurtlara öz bergilerini dolandyrmakda kömek edýän syýasatyň utgaşdyrylmagy, şeýle hem has pes ösen ýurtlar üçin maýa goýumlaryň berilmegi durnukly ösüşe ýetmek üçin örän wajyp bolup durýar”.

10 töweregi ministrlikleriň we edaralaryň wekilleri 17-nji maksada ýetmegiň on wezipesini hem-de olaryň Türkmenistan üçin aktuallygyny ara alyp maslahatlaşdylar. Bu günki konsultasiýalaryň wekilleri wezipeleriň dokuzysyny ýerli şertlere görä üýtgetdiler. 24 görkezijiniň ikisi üýtgewsiz kabul edildi. Bäş sany milli görkeziji işlenip düzüldi.