Birleşen Milletler Guramasynyň Tebigy betbagtçylyklaryň töwekgelçiligini azaltmak boýunça müdirliginiň (UNDRR) we Ýewropa Bileleşiginiň (ÝB) goldaw bermegi bilen, Türkmenistanyň hünärmenleri “DesInventar-Sendaý” programma üpjünçiligi boýunça tälim aldy

Bu okuw CIMA ylmy-barlag gaznasy we Aziýanyň betbagtçylyklara taýýarlyk merkezi (ADPC) bilen hyzmatdaşlykda, Ýewropa Bileleşiginiň goldawy bilen Birleşen Milletler Guramasynyň Tebigy betbagtçylyklaryň töwekgelçiligini azaltmak boýunça müdirligi (UNDRR) tarapyndan gurnaldy. Bu çäre Ýewropa Bileleşigi tarapyndan maliýeleşdirilýän “Betbagtçylyga garşy durnuklylygy güýçlendirmek we Merkezi Aziýada betbagtçylyklaryň töwekgelçiligini azaltmak ugrunda Sendaý çarçuwaly maksatnamasynyň durmuşa geçirilmegini çaltlaşdyrmak” taslamasynyň çäginde amala aşyrylýar.  

Betbagtçylyk ýitgilerini ölçemek betbagtçylyk töwekgelçiligini dolandyrmakda möhüm bolup durýar. Betbagtçylyklar zerarly ýitgiler barada häzirki we taryhy maglumatlaryň bolmagy, tendensiýalaryň, göwrümleriň we täsirleriň derňewi uzak möhletleýin ösüşe we maýa goýumlaryň meýilnamalaşdyrylyşyna, howanyň üýtgemegine uýgunlaşmaga, täze döreýän howplara we töwekgelçiliklere taýýarlanmaga ýardam berer. Ulgam ýurduň howp profiline uýgunlaşdyryldy we betbagtçylyk baradaky maglumatlaryň bar bolan milli gurallaryna esaslanýar.

Esasy peýdasy hökmünde, “DesInventar Sendaý” ulgamy ýerli derejeden başlap, sebit derejesine çenli ähli gyzyklanýan taraplaryň arasynda töwekgelçiligi dolandyrmak we betbagtçylyklaryň töwekgelçiligini azaltmak boýunça meýilnamalaşdyryş gepleşiklerini goldaýar. Bu betbagtçylyk töwekgelçiligini azaltmak boýunça çäreleri çaltlaşdyrmagyň hem-de maglumat dolandyryşyny we alyş-çalşygyny güýçlendirmegiň zerurlygyny äşgär eden COVID-19 pandemiýasynyň çäginde has möhümdir.

Iki gün dowam eden okuw “DesInventar- Sendaý” modullary boýunça nazary we amaly ýumuşlary öz içine aldy hem-de maglumatlary gaýtadan işlemek we seljermek boýunça hünärmenleri jemledi.

Maglumat

“DesInventar Sendaý” ulgamlaýyn programma üpjünçiliginiň durmuşa geçirilmegi dünýädäki 90-dan gowrak ýurda Sendaý çarçuwaly maksatnamasynyň gözegçilik prosesi bilen sazlaşykly ýagdaýda betbagtçylyklar barada maglumat dolandyryş ulgamlaryny işläp düzmäge kömek etdi. Ulgam pudaklaýyn we durmuş-ykdysady ölçegleriň aglaba bölegi arkaly betbagtçylyk tendensiýalaryny we täsirlerini seljermäge mümkinçilik berýär. Esasy peýdasy hökmünde, “DesInventar Sendaý” ulgamy ýerli derejeden başlap, sebit derejesine çenli ähli gyzyklanýan taraplaryň arasynda töwekgelçiligi dolandyrmak we betbagtçylyklaryň töwekgelçiligini azaltmak boýunça meýilnamalaşdyryş gepleşiklerini goldaýar.

“DesInventar Sendaý” ulgamy ýerli we sebit derejesine çenli ähli gyzyklanýan taraplaryň arasynda töwekgelçiligi dolandyrmak we betbagtçylyklaryň töwekgelçiligini azaltmak meýilnamalaşdyryş gepleşiklerini goldaýar.

ÝB tarapyndan maliýeleşdirilýän, Birleşen Milletler Guramasynyň Tebigy betbagtçylyklaryň töwekgelçiligini azaltmak boýunça müdirligi (UNDRR) tarapyndan durmuşa geçirilýän “Betbagtçylyga garşy durnuklylygy güýçlendirmek we Merkezi Aziýada betbagtçylyklaryň töwekgelçiligini azaltmak üçin Sendaý çarçuwaly maksatnamasynyň durmuşa geçirilmegini tizleşdirmek” taslamasy sebitiň ýurtlaryna Sendaý çarçuwaly maksatnamasynyň ileri tutulýan ugurlaryny durmuşa geçirmäge goldaw bermegi maksat edinýär. Taslama sebitleýin utgaşdyrmagy güýçlendirmegi, betbagtçylyklaryň töwekgelçiligini azaltmak boýunça sebitleýin strategiýany, betbagtçylyklaryň ýitgilerini hasaba almagyň milli ulgamlaryny işläp düzmegi we jemgyýet derejesinde betbagtçylyk töwekgelçiligini azaltmagy goldaýar. Ýerli derejede bu taslama paýtagt şäherleriniň betbagtçylyga garşy strategiýalaryny işläp düzmegi goldaýar. Bu taslamany üç ýylyň dowamynda geçirmek üçin ÝB 3 750 000 ýewro bölüp berdi.