Aşgabatda saglygy goraýşy, serhedi we hereketliligi dolandyrmak boýunça Halkara Migrasiýa guramasynyň ulgamy görkezildi

Çärä Saglygy goraýyş we lukmançylyk senagaty ministrliginiň, Döwlet arassaçylyk we keselleriň ýaýramagyna garşy göreşmek gullugynyň, Aşgabat şäheriniň arassaçylyk we keselleriň ýaýramagyna garşy göreşmek gullugynyň, Döwlet migrasiýa gullugynyň, Döwlet gümrük gullugynyň, Döwlet serhet gullugynyň, Oba hojalygy we daşky gurşawy goramak ministrliginiň garamagyndaky Döwlet weterinariýa gullugynyň, Raýat awiasiýasy we Deňiz ulagy gullugynyň wekilleri gatnaşdy. Gatnaşyjylar pandemiýanyň ýaýramagyny ýüze çykarmak we onuň öňüni almak boýunça milli häkimiýet edaralarynyň ukybyny ýokarlandyrmak üçin BSGG we Halkara Migrasiýa guramasy tarapyndan işlenip düzülen syýasatlar we gurallar bilen tanyşdy.

Migrasiýa saglygy goraýyş boýunça hünärmen Haýme Kalderon (Halkara Migrasiýa guramasynyň Günorta-Gündogar Ýewropa, Gündogar Ýewropa we Merkezi Aziýa boýunça sebit bölümi) gatnaşyjylara Halkara Migrasiýa guramasynyň saglygy goraýşy, serhedi we hereketliligi dolandyrmak boýunça Halkara Migrasiýa guramasynyň ulgamyny görkezdi we hereketliligi goldamak hem-de saglygy goramak üçin bu ulgamy giriş nokatlarynda iş ýüzünde ulanmak babatda mümkinçilikleri häsiýetlendirdi. BSGG-niň çykyşlary COVID-19 taýýarlygy üpjün etmek we barlag-geçiriş nokatlarynda oňa garşy çäre görmek üçin BSGG-niň barlag sanawyna baha beriş guralyny ulanmaga gönükdirildi. Türkmenistanyň edaralaryndan wekilçilik edýän gatnaşyjylar barlag nokatlarynda COVID-19 garşy öňüni alyş tejribesi bilen paýlaşmaga we bu meseleler boýunça BSGG we Halkara Migrasiýa guramasy bilen mundan beýläkki hyzmatdaşlygy ara alyp maslahatlaşmaga mümkinçilik aldylar.