BMG-niň Neşe serişdeleri we jenaýatçylyk barada müdirligi Türkmenistanda kazyýet-lukmançylyk gulluklary bilen hyzmatdaşlygyny güýçlendirýär
17 mart 2021
- BMG-niň Neşe serişdeleri we jenaýatçylyk barada müdirligi Türkmenistanyň Içeri işler ministrliginiň Kriminologiýa derňewleriniň merkezi we Saglygy goraýyş we derman senagaty ministrliginiň garamagyndaky Merkezi kazyýet-medisina býurosynyň 20 sany kazyýet eksperti üçin jenaýat ýerlerini derňemek we subutnamalary dolandyrmak boýunça 2-günlük onlaýn okuw maslahatyny gurnady.
Bu okuw maslahat türkmen kazyýet-lukmançylyk ekspertlerini kazyýet ekspertizasynyň halkara talaplary bilen tanyşdyrmak we hukuk goraýjy edaralar bilen jenaýat ýerinde we kazyýet barlaghanalarynda işleýänleriň arasyndaky hyzmatdaşlygyň täsirligini we ähmiýetini görkezdi. Şeýle hem, okuw biologiki suwuklyklarda ýa-da dokumalarda dermanlary, zäherleri we olaryň metabolitlerini kesgitlemek üçin ulanylýan analitiki usullara gönükdirildi. Kazyýet barlaghanalarynyň işinde ygtybarly netijeler ýalan düşündirişlere we netijelere sebäp bolup biler we netijede derňewi ýalňyş ýola ugrukdyryp, laboratoriýanyň hünär abraýyna zyýan ýetirip biler. Okuwyň netijesinde hünärmenler jenaýatyň bolan ýerinde we subutnamalary dolandyrmakda başarnyklaryny artdyrdylar we degişli kazyýet işlerinde öňdebaryjy tejribe bilen tanyşdylar.
Kazyýet barlaghanalary jenaýat kazyýet ulgamynda möhüm orun tutýar, jenaýatyň derňelmegine we yzarlanmagyna kömek edýän, şeýle hem boýun alma we görkezmelere däl-de, fiziki subutnamalara esaslanan kazyýet işlerine ýol açýan gymmatly maglumatlary berýär. BMG-niň Neşe serişdeleri we jenaýatçylyk barada müdirliginiň goldawy bilen, Türkmenistanyň barlaghanalary häzirki wagtda halkara ülňülerine laýyklykda kazyýet hyzmatlarynyň halkara akkreditasiýasyna taýýarlanýarlar.
BMG-nyň bu başlangyçlar bilen meşgullanýan agentlikleri
Bu başlangyçlar arkaly biziň goldaýan maksatlarymyz
