Adalatçynyň diwanynyň gözegçilik we gözleg işleri boýunça ukybyny ýokarlandyrmak

Birleşen Milletler Guramasynyň Adam hukuklary boýunça Ýokary komissarynyň Merkezi Aziýa boýunça sebitleýin edarasy Türkmenistanda Adalatçynyň diwany “Adam hukuklaryny goraýjy milli edaralara gözegçilik etmek we gözleg işlerini geçirmek” atly ilkinji okuw tapgyryny onlaýn görnüşde geçirdi. Bu okuw Birleşen Milletler Guramasynyň Adam hukuklary boýunça Ýokary komissarynyň edarasynyň adam hukuklary boýunça halkara bilermeni hanym Natalýa Uteşewa tarapyndan geçirildi.

Bu okuw Adalatçynyň diwanynyň gözegçilik we gözleg işleriniň kämilleşdirilmegine gönükdirilendir. Ilkinji okuwyň dowamynda edaranyň hünärmenleri adam hukuklarynyň görkezijilerini, dürli gözleg usullaryny we olaryň ulanylyşyny, şeýle hem milli adam hukuklaryny goraýjy edaralarynyň we dürli ýurtlardaky sebitleýin we tematiki adam hukuklaryny goraýjy edaralarynyň gözleg işlerinde öňdebaryjy tejribeler bilen tanyşdylar. Onlaýn okuwyň dowamynda gatnaşyjylar interaktiw onlaýn gurallary ulanyp, raýat hukuklary meseleleri boýunça gözleg taslamasyny işläp düzmegi başardylar.

Hanym Uteşewa «Milli hukuk goraýjy edaralar adam hukuklaryny goramak boýunça halkara we milli ulgamlaryň arasynda konstruktiw gatnaşygy ýola goýmaga we halkara jemgyýetçiliginiň, döwlet edaralarynyň, raýat jemgyýetiniň we adam hukuklary babatynda halkara ülňülerini öňe sürmek we adam hukuklary boýunça halkara ülňüleri milli kanunçylyga girizmek we ony tejribede ulanmak boýunça ylmy edaralaryň netijeliligini üpjün etmäge gönükdirilendir. Yzygiderli gözleg we seljeriş işleri geçirilmese Milli hukuk goraýjy edaralarynyň bu wezipelerini ýerine ýetirip bilmegi mümkin däl. Analitik resminamalary taýýarlamak milli hukuk goraýjy edaralaryň işiniň ähli derejelerinde we ähli ugurlarynda möhüm bolup durýar, çünki ol döwlet syýasatyny ösdürmek we jemgyýetçilik pikirini emele getirmegiň guraly bolup durýar».

Adalatçynyň diwanynyň hünärmenleri üçin ikinji okuw 2021-nji ýylyň awgust aýynyň ortalarynda meýilleşdirilýär.