BMG we Türkmenistanyň Hökümeti bütindünýä pandemiýanyň durmuş-ykdysady täsirlerini azaltmak ugrunda bilelikdäki hyzmatdaşlygynyň gazananlaryna syn berýärler

Şeýle hem gatnaşyjylar 2021-nji ýylyň ahyryna çenli ileri tutulýan ugurlar we 2021-nji ýylyň dekabr aýynda Türkmenistanda ýiti ýokanç keseliniň pandemiýasyna garşy dessin durmuş-ykdysady çäreleriň Milli meýilnamasynyň durmuşa geçirilmegi tamamlanandan soňra, bu ugurdaky hyzmatdaşlyk barada pikir alyşdylar.

Türkmenistanyň Hökümetiniň we BMG-niň meýilnamasynyň bäş ugry boýunça egindeş başlyklary 2021-nji ýylda Türkmenistanda ýiti ýokanç keseliniň pandemiýasyna garşy dessin durmuş-ykdysady çäreleriň Milli meýilnamasyny durmuşa geçirmekde gazanylan esasy netijeler barada hasabat berdiler, şeýle hem çäreler jetweline käbir üýtgeşmeleri we düzedişleri girizmegi teklip etdiler.

“Türkmenistanda BMG-niň bütindünýä pandemiýanyň täsirlerinden soň durnukly ýagdaýda dikelmäge, şeýle hem Meýilnamanyň we Durnukly Ösüş ugrunda 2021-2025 ýyllar üçin hyzmatdaşlygyň çarçuwaly maksatnamasynyň çäginde DÖM-ny durmuşa geçirilmek üçin Türkmenistana goldaw bermegini dowam etdirjekdigini ýene bir gezek belläsim gelýär", - diýip BMG-niň Türkmenistanda Hemişelik utgaşdyryjysy Dmitriý Şlapaçenko öz çykyşynda aýtdy.

Duşuşygyň ahyrynda gatnaşyjylar Türkmenistanda ýiti ýokanç keseliniň pandemiýasyna garşy dessin durmuş-ykdysady çäreleriň Milli meýilnamasynyň tassyklanan möhletinden daşgary hyzmatdaşlygy we amala aşyrylmaly işleri ara alyp maslahatlaşmaga we resmi taýdan hat alyşmak arkaly şertnamanyň ýerine ýetirilişini tamamlamak barada ylalaşyga geldiler. Şeýle hem, 2021-nji ýylyň ahyryna çenli meýilnamany durmuşa geçirmegiň netijeleri boýunça alnan sapaklaryň derňewi bilen birlikde giňişleýin hasabat taýýarlamak barada ylalaşyga gelindi.