BMG-niň Neşe serişdeleri we jenaýatçylyk baradaky müdirligi Türkmenistanda kazyýet bilermenleri üçin içerki audit we dolandyryşa syn bermek boýunça okuw geçirýär

Bu okuw BMG-niň Neşe serişdeleri we jenaýatçylyk baradaky müdirliginiň goldawy bilen işlenip düzülen Dolandyryş ulgamynyň proseduralaryna laýyklykda içerki auditlary we ýygnaklary guramak, geçirmek we resminamalaşdyrmak, şeýle hem dolandyryşa syn bermek üçin kazyýet bilermenleriniň bilimlerini we başarnyklaryny ösdürmäge gönükdirildi.

Kazyýet ylmynyň, şeýle hem jenaýat kazyýet ulgamlarynyň täsirli we adalatly bolmagy üçin ýokary hilli kazyýet hyzmatlarynyň ähmiýetine ünsi çekip, BMG-niň Neşe serişdeleri we jenaýatçylyk baradaky müdirliginiň Merkezi Aziýada jenaýat adalaty maksatnamasynyň utgaşdyryjysy jenap Kun Markwering, kazyýet ylmynyň - derňew işleriniň birnäçe tapgyrynda obýektiw we wagtynda maglumat bilen üpjün edýändigi sebäpli netijeli we adalatly jenaýat kazyýet ulgamynyň esasydygyny aýtdy.

“Kazyýet ekspertizasyndan netijeli peýdalanmak, umuman alanyňda, jenaýat kazyýet ulgamynyň netijeliligini gowlandyrmakda we ýokarlandyrmakda uly goşant goşýar, netijesizlik bolsa kazyýet ýalňyşlaryna, ýalňyş hökümlere we adamyň azatlykdan mahrum edilmegine sebäp bolup biler. Şeýlelik bilen, halkara ülňülerine laýyklykda işleýän barlaghanalar, şeýle hem tejribeli kazyýet bilermenleri döwletiň jenaýat kazyýet ulgamy üçin möhüm ähmiýete eýe bolup, derňew işiniň boýun almalara ýa-da görkezmelere däl-de, fiziki subutnamalara esaslanmagyna mümkinçilik berýär "- diýip jenap Markwering belledi.

Bu okuw ABŞ-nyň Döwlet departamentiniň Halkara neşe serişdelerine garşy göreşmek we hukuk goraýyş býurosynyň (INL) maliýe goldawy bilen amala aşyrylýan, BMG-niň Neşe serişdeleri we jenaýatçylyk baradaky müdirliginiň “Türkmenistanda kazyýet hyzmatlaryny güýçlendirmek” atly başlangyjynyň  çäginde geçirildi.