Türkmen milli halyçylyk sungaty maddy däl medeni mirasynyň sanawyna girizildi
Maddy däl medeni mirasyny goramak boýunça Hökümetara toparynyň 14-nji ýygnagy Kolumbiýanyň Bogota şäherinde 2019-njy ýylyň 09-14-nji Dekabr aralygy geçirildi.
Alty güniň dowamynda Hökümetara toparynyň 24 sany agzasy 2003-nji ýylyň Konwensiýasynyň çäklerinde ýerine ýetirilýän soňky çärelerine syn etdiler we ony amala aşyrmaga degişli bolan wajyp çözgütleri kabul etdiler. Her ýyl bolşy ýaly, Topar Konwensiýanyň sanawyna girizilmek soragyna hem seretdi.
Toparyň çözgüdine laýyklykda, Türkmenistandaky türkmen milli halyçylyk sungaty maddy däl medeni mirasynyň sanawyna girizildi. Türkmenistandaky türkmen milli halyçylyk sungaty milli, ajaýyp bezelen, ýüň elde dokalan halylar we haly önümler bilen baglydyr. Teksturasy boýunça halylar galyň we türkmen taýpalarynyň esasy birine degişli bolan gülli nagyşlar bilen bezelen, ol hem medeni aýratynlygynyň subutnamasy bolup durýar. Öz içine ýerli ösümlikler we haýwanat dünýäsini alýan halyçynyň ýaşaýşy halylaryň dizaýnynda şöhlelendirilen. Halylar poluň üstüne ýazmak, şeýle hem diwarlary bezemek üçin hyzmat edýärler, aýratyn görnüşli halylar bolsa ýörite pursatlar üçin niýetlenendir.
Kuwandyk Poladow (ýatan ýeri ýagty bolsun) onlarça ýyllaryň dowamynda UNESCO işleri boýunça Turkmenistanyň Milli toparynyň Baş Kätibiniň wezipesini ýerine ýetirdi, onda esasy orna eýedi.
2017-nji ýylyň Noýabr aýynda UNESCO-nyň Tehran klaster býürosy Türkmenistanyň Medeniýet Ministrligi we Türkmenistanyň UNESCO soraglary boýunça Milli Topary bilen hyzmatdaşlykda türkmen halysyna degişlilikde jemgyýetler derejesinde maddy däl medeni mirasyny inwentarizasiýa etmek boýunça seminar gurnady.
Bu amaly seminar Türkmenistanyň Medeniýet Ministrliginiň, Çeperçilik Akademiýasynyň maddy däl medeni miras bölümlerinden gatnaşyjylary, şeýle hem we maddy däl medeni miras boýunça tejribeli işgärlerini ýygnady.
Maddy däl medeni mirasyny goramak boýunça Hökümetara toparynyň 14-nji ýygnagynyň dowamynda gaýragoýulmasyz goragy talap edýän otuz bäş element maddy däl medeni miras sanawynyň Wekilçilik hasabyna we iki sany element goragy üpjün etmek hasabyna alyndy.
Topar her ýyl 2003-nji ýylyň Konwensiýasynyň gatnaşyjy ýurtlary tarapyndan teklip edilýän dalaşgärlere baha bermek üçin ýygnalýar we medeni dessurlary we maddy däl mirasy elementlerini Konwensiýanyň sanawyna goşmalydygy barada çözgüt kabul edýärler.
Maddy däl medeni miras barda goşmaça maglumat gerek bolan ýagdaýynda https://ich.unesco.org/ salgydan peýdalanyp bilersiňiz.
BMG-nyň bu başlangyçlar bilen meşgullanýan agentlikleri
Bu başlangyçlar arkaly biziň goldaýan maksatlarymyz
