Press reliz

Türkmenistan we BMG Durnukly ösüş hyzmatdaşlygynyň çarçuwaly Maksatnamasynyň çäginde bilelikdäki iş meýilnamalaryny ara alyp maslahatlaşdylar

28 mart 2025

Türkmenistan, Aşgabat, 2025-nji ýylyň 27-nji marty - Şu gün, Birleşen Milletler Guramasynyň Türkmenistandaky Hemişelik utgaşdyryjysynyň edarasy Türkmenistan bilen BMG-niň arasynda Durnukly ösüş ugrundaky 2021–2025-nji ýyllar aralygynda hyzmatdaşlygyň çarçuwaly Maksatnamasynyň netijeleri boýunça Bilelikdäki iş toparlarynyň ýygnagyny üstünlikli geçirdi.

Duşuşygyň dowamynda bäş ýerine ýetiriş toparlarynyň ýolbaşçylary 2025-nji ýyl üçin bilelikdäki iş meýilnamalarynyň taslamasyny hödürlediler. Mundan başga-da, BMG-niň Türkmenistandaky Hemişelik utgaşdyryjysynyň edarasynyň Ösüş Maliýe we Hyzmatdaşlyk boýunça hünärmeni, Durnukly ösüş ugrundaky hyzmatdaşlygyň çarçuwaly Maksatnamasynyň Maliýe meýilnamasy bilen çykyş etdi.

Duşuşyk Türkmenistan bilen BMG-niň arasynda Durnukly ösüş ugrundaky 2026–2030-njy ýyllar aralygynda hyzmatdaşlygyň täze çarçuwaly Maksatnamasynyň taslamasynyň ara alnyp maslahatlaşylmagy bilen tamamlandy.