«Durnukly ösüş maksatlarynyň durmuşa ornaşdyrylmagyny maliýeleşdirmek: maliýeleşdirmegiň goşulyşan milli mehanizmleriniň orny» atly halkara maslahaty

Bu seminary geçirmek başlangyjy BMG-niň Baş Assambleýasynyň 74-nji mejlisinde Türkmenistanyň ileri tutýan wezipelerinden we ýeterlik maliýe çeşmelerini üpjün etmegiň ýokary derejede möhümligi bilen şertlendirilen hem-de Durnukly ösüş maksatlaryny durmuşa geçirmäge gönükdirilen taslamalardan we maksatnamalardan gelip çykýar. 2022–2023-nji ýyllarda dünýä derejesinde Ösüşi maliýeleşdirmek boýunça maslahatyň geçirilmegine üns bermek teklip edildi.

 

Taýýarlyk üçin aralyk tapgyryň çäginde “Durnukly ösüş maksatlarynyň durmuşa geçirilmegini maliýeleşdirmek: toplumlaýyn milli maliýeleşdiriş mehanizmleriniň orny” atly halkara seminar geçirilýär, bu seminarda Beýik Ýüpek ýolunyň merkezinde Ösüş üçin hyzmatdaşlygy maliýeleşdirmek boýunça halkara maslahatda (2018-nji ýylyň 20-21-nji iýuny) we 2019-njy ýylyň 11-12-nji awgustynda 1-nji Hazar Ykdysady Forumynyň çäginde ösüşi maliýeleşdirmäge bagyşlanan çärede durnukly ösüş üçin maliýeleşdirmegiň ozal kesgitlenen meselelerine garamagy dowam etdirmek hem-de BMG-niň Ykdysady we durmuş geňeşiniň Ösüşi maliýeleşdirmek boýunça bäşinji forumynyň ruhuna we netijesine eýerip, Ösüşi maliýeleşdirmek boýunça üçünji halkara maslahatynyň Addis Abeba Hereketleriň gün tertibini doly we wagtynda durmuşa geçirmek üçin tagallalary dowam etdirmek meýilleşdirilýär. Bu seminar BMG-niň Baş sekretary tarapyndan 2020-nji ýylda başlanan, durnukly ösüşi maliýeleşdirmäge gönükdirilen Durnukly ösüş maksatlary üçin çäreleriň onýyllygynyň Türkmenistanda durmuşa geçirilmeginiň bir bölegi bolup durýar.