BMG-niň bosgunlar boýunça Ýokary komissary Türkmenistanyň 2,580 sany raýatsyz adama raýatlyk bermek kararyny makullaýar

Karara laýyklykda, raýatlygy alan adamlaryň altmyş göterimi 19 etnik toparlardan gelip çykan raýatlygy bolmadyk aýallardyr.

BMG-niň Bosgunlar boýunça Ýokary Komissary Merkezi Aziýa döwletiniň raýatsyzlygy aradan aýyrmagy maksat edinip amala aşyrýan tagallalary bilen bir hatarda bu çäräni garşylaýar.

Soňky 15 ýylda Türkmenistan 26,000 sany bosgunlara we raýatlygy bolmadyk adamlara raýatlyk berdi. Bularyň arasynda, raýatlygy bolmadyk adamlaryň ýagdaýy babatynda 1954-nji ýyldaky Konwensiýa döwletiň 2011-nji ýylda goşulany bäri raýatlyga kabul eden 13,000-e golaý raýatlygy bolmadyk şahsyýetler bar.

Şu ýylyň iýul aýynda Raýat ýagdaýy baradaky aktlaryň täze kanuny, ýurtda doglan çagalaryň hemmesiniň, şol sanda resminamasyz ene-atasy bolan çagalaryň hem dogluşynyň hasaba alynmagyny üpjün etmek arkaly çagalaryň raýatsyzlygynyň öňüni almaga ýardam etdi. Täze kanun we raýatsyzlyk babatyndaky meseleleriň çözülmegi BMG-niň Ýokary komissarynyň 2019-njy ýylda gurnan raýatsyzlyk babatyndaky ýokary derejeli çäresinde Türkmenistanyň beren borçnamalaryna esaslanýar.

2024-nji ýyla çenli raýatlygy ýok etmek boýunça #IBelong kampaniýasynyň çäginde BMG-niň Ýokary komissary Türkmenistanyň hökümeti bilen bilelikde raýatsyzlygyň öňüni almak we bu meseläniň çözgüdini tapmak boýunça tagallalary amala aşyrýar.

“Türkmenistan, müňlerçe adamlaryň agyr ýagdaýynda ýardam edip raýatlygy aradan aýyrmak meselesinde ýene-de güýçli ýolbaşçylygyny görkezdi. Biz ýakyn ýyllarda, 2024-nji ýyla çenli raýatsyzlyk babatyndaky meseleleriň çözgüdini tapjakdygyna we öz çäginde her bir raýatsyz adamy birikdirjekdigine ynanýarys" - diýip, Merkezi Aziýada BMG-niň Ýokary komissarynyň wekili jenap Hans Fridrih Şodder belläp geçdi.

Raýatsyzlyk, dünýäde millionlarça adama täsir edýär we olary beýleki raýatlaryň peýdalanýan hukuklaryndan peýdalanmakdan mahrum edýär. 79 ýurduň statistika hasabatyna görä takmynan 4,2 million adam raýatsyz, emma BMG-niň Ýokary komissarynyň çak etmegine görä raýatlygy bolmadyk adamlaryň sany has ýokarlanýar.

Has giňişleýin maglumat üçin habarlaşmagyňyzy haýyş edýäris:

• Almaty, Ýelena Sim, sim@unhcr.org
• Ženewa, Şabiýa Mantu, +41 79 337 7650 mantoo@unhcr.org