Türkmen ýaşlary zorluga garşy göreşmek boýunça kubok ýaryşyna gatnaşýarlar

2023-nji ýylyň 15-nji ýanwarynda Türkmenistanda BMG-niň Hemişelik utgaşdyryjysynyň edarasynyň goldawy bilen IDEA Merkezi Aziýa türkmen ýaşlarynyň arasynda zorluga garşy göreşmek boýunça kubok ýaryşyny geçirdi. Bu çäre, Ýewropa Bileleşigi tarapyndan maliýeleşdirilýän Merkezi Aziýa we Owganystan üçin Ýagtylygyň şöhlesi atly başlangyjyň bir bölegi hökmünde, şeýle hem jyns esasly zorluga garşy 16 işjeňlik gününe bagyşlanyp, her ýyl global derejede geçirilýän kampaniýanyň çäginde geçirildi.

32 sany gatnaşyjy, ýagny türkmen talyplary we mugallymlary dört sany topara bölündi, olar IDEA Merkezi Aziýa tarapyndan geçirilen demonstrasion çekişmelere tomaşa etdiler we soňra çekişmelere gatnaşdylar. Iňlis parlamenti görnüşinde geçirilen çekişmelere gatnaşyp, ýaş gatnaşyjylar gender deňsizligine, gender esasyndaky zorluga we zorlugyň beýleki görnüşlerine garşy göreşmegiň we öňüni almagyň usullary, şeýle hem jemgyýetiň içinde oňyn özgerişiklere bat berýän, jemgyýetiň durmuşynyň ähli ugurlaryna zenanlaryň gatnaşmagyny üpjün etmek we olaryň hukuklaryny öňe sürmek ýaly ugurlar bilen tanyşdylar.

Çäre ýaşlaryň düşünjesini, pikirlerini we gözýetimlerini paýlaşmak, gender meseleleriň dürli nukdaýnazardan çözgüdini tapmak, şeýle hem gender deňligini öňe sürmek we zenanlaryň hukuklaryny we mümkinçiliklerini giňeltmek üçin platforma bolup hyzmat etdi.

Bäsleşigiň netijesinde we ozal geçirilen onlaýn okuwlaryň esasynda 8 sany ýeňiji saýlandy, olar 2023-nji ýylyň 29-njy ýanwar aýynda sebit boýunça geçiriljek INSTA çekişmelere gatnaşmaga mümkinçilik gazandy we bu ýerde olar Merkezi Aziýada gender deňligi meseleleri boýunça çekişmeleriň ýenijisi adyna eýe bolmak üçin bäsleşerler.