Türkmenabatda geçirlen Ýaşlar maslahatynda howanyň üýtgemegi boýunça meselelere ýaşlaryň goşandy
11 sentýabr 2024
Türkmenistan, Türkmenabat, 2024-nji ýylyň 11-nji sentýabry - Howanyň üýtgemegi boýunça ýaşlar maslahatynyň (COY19) we BMG-niň Howanyň üýtgemegi baradaky Çarçuwaly konwensiýasyna gatnaşýan taraplaryň maslahatynyň (COP29) 29-nji mejlisiniň öňüsyrasynda, Türkmenistanda welaýat Ýaşlar maslahaty geçirildi. Maslahat Türkmenistanyň Hökümeti tarapyndan BMG-niň Türkmenistandaky Hemişelik utgaşdyryjysynyň edarasy, BMG-niň Ösüş Maksatnamasy (BMGÖM), şeýle-de Azerbaýjan respublikasynyň, Beýik Britaniýanyň we Birleşen Arap Emirlikleriniň (BAE) Türkmenistandaky ilçihanalary bilen bilelikde gurnaldy. Çäre Türkmenabat şäherindäki Seýitnazar Seýdi adyndaky mugallymçylyk institutynda geçirildi.
Bu maslahat döwrüň daşky gurşaw meselelerini ara alyp maslahatlaşmak we howanyň üýtgemegi bilen baglanyşykly meseleleri çözmekde ýaşlara işjeň gatnaşmagyň ýollaryny tapmak üçin Lebap welaýatynyň dürli künjeginden gelen ýaşlary bir ýere jemledi.
Maslahata Beýik Britaniýanyň Türkmenistandaky ilçisi jenap Stiwen Konlon, DÖM-iň ýaş ilçileri, eko-aktiwistler, 17 ýaşdan 35 ýaş aralygyndaky ýaşlar, BMGÖM-iň we Beýik Britaniýanyň Türkmenistandaky ilçihanasynyň wekilleri, şeýle hem Türkmenistanyň Daşary işler, bilim we daşky gurşawy goramak ministrlikleriniň hünärmenleri gatnaşdylar.
Maslahat gutlag sözleri bilen başlady we BMGÖM-iň wekiliniň BMG-niň howanyň üýtgemegine garşy göreşdäki orny baradaky çykyşy bilen dowam etdi. Ol bu meselede halkara hyzmatdaşlygyň möhümdigini aýtdy.
DÖM-iň ýaş ilçileri geçenki maslahatlaryň netijelerini hödürlediler, öz tejribelerini we daşky gurşawyň ýagdaýyny gowulandyrmak baradaky tekliplerini paýlaşdylar.
Ikinji sessiýada maslahata gatnaşyjylar iş toparlaryna bölündiler we howanyň üýtgemegi we Aral krizisiniň täsiriniň çäginde Lebap welaýatynyň biodürlüligini we ekosistemalaryny goramagyň ähmiýeti, ekologik bilim we durnukly ösüş maksatnamalary, talyplaryň daşky gurşawy goramak baradaky habardarlygyny ýokarlandyrmak üçin maksatnamalary işläp düzmek we daşky gurşaw gymmatlyklaryny emele getirmekde mugallymlaryň orny ýaly möhüm mowzuklary ara alyp maslahatlaşdylar.
Hünärmenler we iş toparynyň utgaşdyryjylary gatnaşyjylara maslahatyň maksatlaryny we Milli Ýaşlar Beýannamasynyň deslapky nusgasyna girizmek üçin teklipler taýýarlanyljak netijeler barada gürrüň berdiler.
Maslahatyň ahyrynda iş toparlarynyň ýolbaşçylary öz netijelerini hödürlediler we Milli Ýaşlar Beýannamasynyň Ýol kartasyna goşmak üçin anyk çäreleri teklip etdiler.
Türkmenabat şäherinde geçirlen Howanyň üýtgemegi boýunça Ýaşlar maslahaty Türkmenistanyň ýaşlarynyň global klimat meselelerini çözmäge işjeň gatnaşmaga taýýardygyny görkezýän ekologiýa pudagynda bilim we tejribe alyşmak üçin möhüm platforma boldy.
BMG-nyň bu başlangyçlar bilen meşgullanýan agentlikleri
Bu başlangyçlar arkaly biziň goldaýan maksatlarymyz
