Türkmenistan Durnukly ösüş maksatlary boýunça hasabat bermäge taýýarlanýar
- Türkmenistandaky Birleşen Milletler Guramasy ýokary derejeli syýasy forumyň çäklerinde meýletin milli seljermä taýýarlyk görmek boýunça ýygnak geçirdi.
2019-njy ýylda geçiriljek Ýokary derejeli syýasy forumyň çäklerinde Türkmenistan 2030-nji ýyla çenli Gün tertibini durmuşa geçirmek boýunça öz ösüşi bilen tanyşdyrar.
Durnukly ösüş maksatlary barada habarlylygy ýokarlandyrmak we milli seljermäni taýýarlamak proseslerini görkezmek, Durnukly ösüş maksatlaryny durmuşa geçirmekde Türkmenistanyň ösüşi we bu prosesde hususy sektoryň we hökümete degişli däl edaralaryň tutýan orunlary bilen tanyşdyrmak bu duşuşygyň esasy maksatlary boldy.
“Bu gün biz täze hyzmatdaşlyga getirip biljek we durnukly ösüşiň umumy kabul edilen adatlaryny girizmekde işewürlik sektoryna hem-de adalaryň köplügine ýardam berip biljek platformany döredip bilýäris” – diýip, BMG-nyň hemişelik utgaşdyryjysy, hanym Ýelena Panowa öz giriş çykyşynda aýtdy.
2018-nji ýylyň oktýabrynda Durnukly ösüş maksatlarynyň aýynyň dowamynda Türkmenistandaky Birleşen Milletler Guramasy meýletin milli seljermä taýýarlyk boýunça hereketleriň meýilnamasynyň çäklerinde Durnukly ösüşiň 4, 8, 10, 13, 16 we 17 maksatlarynyň görkezijilerini we olar boýunça berilýän maglumatlary ara alyp maslahatlaşmak üçin degişli milli hyzmatdaşlary bilen birnäçe duşuşyklary geçiripdi. Bu duşuşyklar we ýokary hilli milli hasabatyň taýýarlanmagyny üpjün eder.
