2030-njy ýyl Gün tertibini durmuşa geçirmekde maliýe goldawy

Çäre Türkmenistanyň Maliýe we Ykdysadyýet ministirliginiň Strategik we Durnukly Ösüş Maksatlary bölüminiň başlygy Jenap Atajan Ataýewiň çykyşy bilen başlady. Ol gatnaşyjylara 2019-njy ýylyň iýul aýynda Nýu Ýorkda geçen Ýokary Derejedäki Syýasy Forumda Türkmenistanyň Meýletin Milli Gözden Geçirmesi barada aýdyp berdi.

Çäräniň ikinji bölüminde Hazar sebitinde, Demirgazyk hem Merkezi Aziýa we ondan beýleki ýerlerde durnukly ösüş üçin maliýeleşdirmegiň orny barada maslahatlaşyldy. Türkmenistanyň Daşary Ykdysady Işleriniň Döwlet Bankynyň başlygy jenap Rahymberdi Jepbarowyň ýolbaşçylygyndaky ýokary derejedäki plenar bölümine Birleşen milletler guramasynyň General Sekretarynyň orunbasary Olga Algaerowa, Birleşen milletler guramasynyň Ýewropadaky Ykdysady Komissiýasynyň ýerini ýetiriji sekretary, Birleşen milletler guramasynyň Ösüş Meýilnamasynyň dolandyryjylary, Birleşen milletler guramasynyň Aziýa we Ýuwaş sebitlerindäki Ykdysady we Jemgyýet Komissiýasy, Dünýä Bank, Aziýanyň Ösüş Banky, Ýewropanyň Rekonstruksiýa we Ösüş Banky gatnadylar. Gatnaşyjylar gyzyklanýan taraplaryň sebidiň ösüşi üçin has durnukly we köpugurly maliýe şertlerini nähili döredip bilýändikleri hakynda maslahatlaşdylar.

"Durnukly ösüş maksatlaryny durmuşa geçirmekdäki ýüze çykýan howply ýagdaýlary ýeňmek üçin biz tiz hereket etmeli we özümiziň maliýe ulgamymyzy täzeden gözden geçirmeli. Bize gyzyklanýan taraplaryň, ýagny, hususy pudaklaryň, resmi ösüş boýunça ýardamyň, halkara maliýe edaralarynyň we haýyr-sogap guramalarynyň üsti bilen maýa goýumyň sanyny we täsirini artdyrmak üçin ähli tarapdan - global, regional we milli derejede hyzmatdaşlyk gerek," diýip Birleşen milletler guramasynyň Türkmenistanda hemişelik koordinatory hanym Ýelena Panowa çäräniň açylyş dabarasynda belläp geçdi.

Çäreden soň Türkmenistanda Birleşen milletler guramasy we Durnukly ösüş maksatlaryna ýetmek üçin ýardam berýän Maliýe we Ykdysadyýet ministirligi Addis Ababa meýilnamasyny şeýle hem 2030-njy ýylyň Gün tertibini durmuşa geçirmegi tizleşdirmek babatynda strategik hyzmatdaşlygy ýola goýjak ikitaraplaýyn Düşünişme hakyndaky Memoranduma gol çekdiler.