Howanyň üýtgemegine garşy alnyp barylýan işlere ýaşlary çekmek

Türkmenistanda BMG-niň Hemişelik utgaşdyryjysynyň wekilhanasy, Angliýanyň ilçihanasy we TürkmenistanyňHökümeti Ýaşlar maslahatynyň, şeýle hem BMG-niň Howanyň üýtgemegi baradaky Çarçuwaly şertnamasynyňTaraplar maslahatynyň 26-njy mejlisiniň (COP26) öňsyrasynda Türkmenistanda Howa babatynda ilkinji ýaşlarmaslahatyny gurnadylar.

Bu çäre ýurduň dürli künjeklerinden gelen Türkmenistanyň ýaşlaryna howa şertleriniň üýtgemegi boýunçaglobal derejede çäreleri güýçlendirmek maksady bilen tejribelerini, bilimlerini we pikirlerini paýlaşmak, şeýle-deýerli ýaşlara Türkmenistana täsirini ýetirýän howanyň üýtgemegi bilen baglanyşykly möhüm meseleleri ara alyp maslahatlaşmak we bu meseleleriň çözgüdini tapmak üçin zerur bolan çäreleri işläp düzmek üçin mümkinçilik döretdi. Mundan başga-da, bu çäre Türkmen ýaşlaryna howanyň üýtgemegi we durnukly ösüş ugrunda çäreleri görmek we bu barada olaryň habardarlygyny ýokarlandyrmak üçin mümkinçilik döretdi.

BMG-niň Baş sekretarynyň Ýaşlaryň meseleleri boýunça ilçisi hanym Jaýatma Wikramanaýake öz çykyşynda şeýle diýdi: “Ýerli we sebitleýin jemgyýetleriň howa babatynda has gyssagly we hyjuwly çäreleri görmek boýunça goldaw bermeklerini dowam etdirmekleri zerurdyr."

Ýaş gatnaşyjylaryň 150-den gowragy dört tematiki ugur boýunça öz garaýyşlaryna esaslanyp strategiýalaryny işläp düzdüler: Hyjuwly ýaşlar; Durnukly dikeldiş; Döwlete dahylsyz edaralaryň gatnaşmagy we howanyň aladasyny edýän jemgyýet. Toparlaýyn işiň dowamynda gatnaşyjylar howanyň durnuklylygyny ýokarlandyrmak, howanyň üýtgemegine garşy çäreleri görmek we howanyň üýtgemegine uýgunlaşmak boýunça teklipleri ara alyp maslahatlaşdylar we karar berýän şahsyýetler üçin işläp düzdüler.

"Taraplaryň maslahaty ýaly möhüm çärelerde ýaşlaryň we geljekki nesilleriň tutýan orny bahasyna ýetip bolmajak gymmatlykdyr, çünki ol ýaşlaryň dürli hadysalar arkaly howanyň üýtgemegine garşy alyp barýan hereketlerini görkezýär we nygtaýar" - diýip BMG-niň Türkmenistanda Hemişelik utgaşdyryjysy jenap Dmitriý Şlapaçenko aýtdy.

Maslahatyň dowamynda ýaşlar howanyň üýtgemegi baradaky meseleleriň derwaýyslygy barada öz pikirlerinibelläp geçmäge mümkinçilik aldylar. Netijede, ýaş türkmen ýolbaşçylary COY16-da hödürlenjekTürkmenistanda ýaşlar başlangyçlarynyň jemleýji mazmunyny we indiki ýylyň dowamynda durmuşa geçirilmeli çözgütleriň Ýol kartasyny taýýarladylar we kabul etdiler. Howa boýunça ýaşlar maslahaty Türkmen ýaşlary tarapyndan her ýyl gurnalmagyna we geçirilmegine garaşylýar.