BMG-niň Türkmenistandaky Hemişelik Utgaşdyryjysy Daşky gurşawy goramagyň bütindünýä gününe bagyşlanan maslahata gatnaşdy

5-nji iýunda Aşgabatda geçirilen maslahatda esasy ministrlikleriň, döwlet edaralarynyň we halkara guramalaryň wekilleri gatnaşyp, daşky gurşawy goramak pudagynda hyzmatdaşlygy güýçlendirmegi maslahatlaşdylar. Bu çäre, Türkmenistanyň daşky gurşawyň durnuklylygyny ýokarlandyrmakdaky işjeň roluny we howanyň üýtgemegine garşy göreşmek, biodürlüligi we daşky gurşawy goramak boýunça global başlangyçlar bilen sazlaşygyny görkezdi. 

Maslahatyň başynda çykyş eden jenap Şlapaçenko köptaraplaýyn hyzmatdaşlygyň ähmiýetini we BMG-niň Türkmenistanyň daşky gurşaw meýilnamasyna berýän goldawyny nygtady. “BMG-niň Türkmenistandaky edarasy ýüze çykýan kynçylyklara garşy göreşmekde hökümete we onuň halkyna goldaw berýändigine buýsanýar. Bilelikde, BMG-niň Durnukly ösüş hyzmatdaşlygynyň çarçuwaly Maksatnamasynyň çäginde, Türkmenistanyň milli ileri tutulýan ugurlaryna laýyk gelýän çäreleri çaltlaşdyrmak üçin işler alyp barýarys” diýip, jenap Şlapaçenko aýtdy.

Maslahatyň maksatnamasynda milli ekologik syýasat, kanunçylygyň kämilleşdirilmegi, howanyň üýtgemegine uýgunlaşmak we sebit hem-de halkara hyzmatdaşlygyny ösdürmek meseleleri ara alnyp maslahatlaşyldy. Bu çäre tehniki hyzmatdaşlyk we syýasy gepleşikler üçin mümkinçilikleri öwrenmek üçin hem möhüm platforma boldy.

BMG Türkmenistanyň Durnukly Ösüş Maksatlaryna, aýratyn-da, howa çäreleri, arassa suw we sanitariýa, şeýle-de ýerüsti ekoulgamlar bilen bagly ugurlarda ýetmegini goldamagy dowam etdirmäge taýýar.