BMG we Hökümet "Ýiti ýokanç keseliniň pandemiýasyna garşy dessin durmuş-ykdysady çäreleriň Meýilnamasynyň" gözegçilik işlerini ara alyp maslahatlaşýarlar

Durmuş-ykdysady çäreleriň Meýilnamasyny durmuşa geçirmek boýunça tehniki ýolbaşçy hökmünde BMGÖM gözegçilik tablisasynyň gurluşyny, çäreleri, möhletleri we görkezijileri hödürledi. Ýygnaga gatnaşyjylar maksatlaýyn toparlaryň görkezijileri we maliýeleşdiriş ugurlary, şeýle hem Durmuş-ykdysady çäreleriň Meýilnamasynyň durmuşa geçirilişine gözegçilik etmek üçin global görkezijiler bilen tanyşdylar. Mundan başga-da, Durmuş-ykdysady çäreleriň Meýilnamasy janly resminama bolup durýandygy we dowam edýän ileri tutulýan ugurlara we ösüşlere laýyklykda oňa täzelenmeleriň girizilip bilinjekdigi barada bellenip geçildi.

Duşuşygyň ahyrynda gatnaşyjylar 2020-nji ýylda Türkmenistanda Durmuş-ykdysady çäreleriň Meýilnamasyny durmuşa geçirilişiniň netijeleri barada öňegidişlik hasabatyny bilelikde taýýarlamak we mümkin bolan täzelenmeleri we düzedişleri ara alyp maslahatlaşmak üçin Meýilnamanyň her sütüniniň üstünde işlemek boýunça duşuşyklary geçirmäge razylaşdylar.