Daşoguz we Lebap welaýatlarynda Ýaşlaryň hukuklaryny we mümkinçiliklerini pugtalandyrmak boýunça Bilelikdäki maksatnamanyň çäginde ýerli komitetler döredildi
07 fewral 2022
- Şu gün “Pandemiýanyň köpdürli töwekgelçiliklerini we howplaryny azaltmak üçin ýaşlary çekmek we olaryň mümkinçiliklerini ýokarlandyrmak” atly bilelikdäki maksatnamanyň ýerli komitetleriniň ilkinji ýygnagy geçirildi. BMG we Türkmenistanyň hökümetiniň bilelikdäki maksatnamasy Ýiti ýokanç kesel pandemiýa garşydessin durmuş-ykdysady çäreleriň görülmegini üpjün etmegiň meýilnamasynyň durmuşa geçirilmegine goşant goşýar we Birleşen Milletler Guramasynyň Adam howpsuzlygy gaznasy tarapyndan maliýeleşdirilýär.
Ýerli komitetler Bilelikdäki maksatnamanyň iki synag sebitinde, ýagny Daşoguz we Lebap welaýatlarynda ýerli dolandyryş edaralarynyň wekillerinden ybaratdyr. Komitetiň şu gün kabul eden salgylanma şertlerine esaslanmak bilen, bu ýerli komitetleriň düzümine dowam edýän çäreleri bilelikde durmuşa geçirjek we olara gözegçilik etjek bellenen milli utgaşdyryjylar, ýerli dolandyryş edaralary, jemgyýetçilik guramalarynyň wekilleri, ýaş meýletinçiler we jemgyýetiňbeýleki wekilleri girer.
18 aýlyk maksatnama öňüni alyş, adamlaryň bähbidine gönükdirilen, anyk mazmunly ýörelgeler esasynda, şeýle hem köp ugurly çemeleşmäni ulanmak arkaly adam howpsuzlygynyň üpjün edilmegi babatyndaky çemeleşmäni göz öňüne tutup, Durmuş-ykdysady taýdan dessin çäreleri görmegiň Meýilnamasyny durmuşa geçirmek üçin ýerli derejede döwlet gulluklçylarynyň mümkinçiliklerini ýokarlandyrmaga gönükdirilendir. Mundan başga-da, maksatnama Lebap we Daşoguz welaýatlarynda ýaşlaryň durnuklylygyny ýokarlandyrmaga we ýerli jemgyýetleriň özgertmelerine goşant goşmaga mümkinçilik berer. Bu maksatnama, “aşakdan ýokaryk” çemeleşmesini ulanmak bilen we “hiç bir adamy ünsden düşürmeli däl” ýörelgesine eýerip, aýgytly pursatda meýilleşdirmek işlerinde möhüm çemeleşme hökmünde adam howpsuzlygy konsepsiýasyny öz içine alýar.
Bu Bilelikdäki Maksatnamanyň çäginde pandemiýanyň köpdürli töwekgelçiliklerine garşy çözgütleri tapmak üçin goramak we kuwwatlandyrmak boýunça çäreleri birleşdirjek hem-de ýaşlar tarapyndan ýolbaşçylyk edilýän ýerli derejde jemgyýetçilik başlangyçlaryny işläp düzmek we durmuşa geçirmek üçin ýerli häkimýetler bilen ýakyndan işleşjek ýaşlaryň salgylanma topary dörediler. Ýerli komitetler Bilelikdäki maksatnamanyň netijeleriniň dowamatly bolmagyny üpjün etmek üçin işlenip düzülen we gazanylan ähli bilimleri we tejribeleri ýygnaýarlar we saklarlar.
Bu maksatnamanyň amala aşyrylmagyna ÝUNFPA, Birleşen Milletler Guramasynyň Ilat Gaznasy we Türkmenistanyň Sport we ýaşlar syýasaty ministrligi ýolbaşçyk eder.Türkmenistanyň Daşary işler ministrligi tarapyndan utgaşdyrylan beýleki hyzmatdaşlar BMG-niň Çagalar gaznasy, Halkara migrasiýa guramasy, BMG-niň Neşe serişdeleri we jenaýatçylyk baradaky müdirligi we Türkmenistanyň Zähmet we ilaty durmuş taýdan goramak ministrligi, Türkmenistanyň Içeri işler ministrligi, Türkmenistanyň Bilim ministrligi, Türkmenistanyň Saglygy goraýyş we derman senagaty ministrligi, Türkmenistanyň Döwlet, hukuk we demokratiýa instituty, Türkmenistanyň Adalatçysynyň diwany, jemgyýetçilik guramalary we jemgyýetçilik bilen işleşýän Hökümete dahylsyz guramalardyr.
BMG-nyň bu başlangyçlar bilen meşgullanýan agentlikleri
Bu başlangyçlar arkaly biziň goldaýan maksatlarymyz
