BMG-niň Neşeler we jenaýatçylyk boýunça müdirligi Bütindünýä neşe serişdelerine garşy göreşmek gününe bagyşlap, «Has köp kömek etmek üçin has köp bilim» şygary bilen maglumat kampaniýasyny geçirdi.

BMG-niň Neşeler we jenaýatçylyk boýunça müdirliginiň Türkmenistandaky maksatnama ofisi «Üstünlikli geljek üçin ýaşlaryň ösüşini öňe sürmek» atly USAID/JA Worldwide taslamasy bilen bilelikde we Türkmenistanyň Ykdysadyýetçiler birleşigi, «Iş Nokady» hojalyk jemgyýeti we «Keýik Okara» jemgyýetçilik guramasy bilen hyzmatdaşlykda «Bütindünýä neşe serişdelerine garşy göreşmek güni» diýlip tanalýan neşe serişdelerine we olaryň bikanun dolanşygyna garşy göreşmek boýunça halkara gününe bagyşlanan maglumat kampaniýasyny geçirdi.

Şu ýyl Bütindünýä neşe serişdelerine garşy göreşmek güni «Has köp kömek üçin has köp bilim» şygary bilen geçirildi, bu köp million adamy öz içine alýan neşe serişdeleri bilen baglanyşykly ýagdaýyň dinamikasyna düşünmegiň, meseleler barada bilimleri artdyrmagyň we mätäçlere has gowy kömek bermegiň zerurdygyny nygtaýar.

COVID-19 pandemiýasy zerarly ýüze çykan ýagdaý sebäpli, çäre, gatnaşyjylaryň kiçi onlaýn toparlaryny birleşdirmek arkaly geçirildi.  

Geljegimiz bolmak bilen, we, şol bir wagtyň özünde, iň ejiz toparlaryň biri bolmak bilen, ýaşlaryň 60 töweregi wekili kampaniýa gatnaşmak üçin çekildi.

Açylyşda eden çykyşynda, BMG-niň Türkmenistandaky Hemişelik utgaşdyryjysy hanym Ýelena Panowa ilatyň ejiz toparlaryny goldamak ugrundaky tagallalaryny dowam etdirmek üçin raýat jemgyýetiniň we ýaşlar guramalarynyň zerurdygyny nygtady.

Kampaniýa soraglar we jogaplar, interaktiw wiktorina we gatnaşyjylary sylaglamak bilen tamamlandy.

BMG-niň Neşeler we jenaýatçylyk boýunça müdirligi bu çäräni gurnandygy üçin hyzmatdaşlara minnetdarlygyny bildirýär.