Betbagtçylyklaryň töwekgelçiligini peseltmek üçin Merkezi Aziýa “DesInventar-Sendai” ulgamynyň üpjünçiligini durmuşa geçirmegini meýilleşdirýär

Betbagtçylyklar zerarly çekilen zyýanlary we ýitgileri hasaba almagyň mehanizminiň döredilmegine goldaw berilmegi, Ýewropa Bileleşigi tarapyndan maliýeleşdirilen, Birleşen Milletler Guramasynyň Betbagtçylyklaryň töwekgelçiligini peseltmek boýunça bölüminiň “Betbagtçylyga garşy durnuklylygy güýçlendirmek we Merkezi Aziýada 2019-2022-nji ýyllarda betbagtçylyklaryň töwekgelçiligini peseltmek boýunça Sendai Çarçuwasynyň durmuşa geçirilmeginiň çaltlaşdyrylmagy” inisiatiwasynyň esasy bölegidir.

Birleşen Milletler Guramasynyň Betbagtçylyklaryň töwekgelçiligini peseltmek boýunça bölüminiň wekilleri, “CIMA” gözleg gaznasynyň we “ADPC”-nyň hünärmenleri, BMG-nyň Betbagtçylyklaryň töwekgelçiligini peseltmek boýunça bölüminiň goldawy bilen işlenip düzülen “Merkezi Aziýada betbagtçylyklaryň ýitgileriniň maglumat bazalaryny durmuşa geçirmek” taslamasyny hödürlediler. Taslamanyň maksady, “DesInventar-Sendai” üpjünçiliginiň betbagtçylyk ýitgileri bilen baglanyşykly maglumatlary yzygiderli ýygnamak, resminamalaşdyrmak we derňemek üçin ulanylmagyny goldamak we betbagtçylyklaryň töwekgelçiligini peseltmek üçin Sendai Çarçuwasynyň maksatlary barada milli hasabatlylygy ýeňilleşdirmek.  

Sendaý Çarçuwasynyň milli utgaşdyryjylary, adatdan daşary ýagdaýlaryny dolandyryş milli guramalarynyň we Gazagystanyň, Gyrgyzystanyň, Täjigistanyň, Türkmenistanyň we Özbegistanyň milli statistika bölümleriniň hünärmenleri geçirilen sebitleýin seminara gatnaşdylar. Gatnaşanlar betbagtçylyk ýitgileri baradaky maglumatlary ýygnamak we derňemek üçin milli ulgamlarynyň güýçli taraplaryny we gowulaşdyrmak üçin ugurlaryny gözden geçirdiler, Sendai Çarçuwasynyň we 2015-2030-njy ýyllar üçin Durnukly Ösüş Maksatnamasynyň ýerine ýetirilişi baradaky milli hasabatlar üçin maglumat ýygnamak we derňew ulgamlaryny berkitmegiň möhümdigini bellediler. Taslamany durmuşa geçirmek we maksatlaryna ýetmek boýunça hyzmatdaşlyk sebitdäki ýurtlarda adatdan daşary ýagdaýlaryny milli dolandyryş guramalary we milli statistika bölümleri bilen utgaşdyrylar we hyzmatdaşlykda dowam etdiriler.   

“DesInventar Sendai” ulgamyň üpjünçiliginiň durmuşa geçirilmegi, dünýädäki 90-dan gowrak ýurda Sendai Çarçuwasynyň gözegçiligi bilen sazlaşykly betbagtçylyk maglumatlaryny dolandyryş ulgamyny ösdürmäge kömek etdi. Ulgam pudaklaýyn we sosial-ykdysady ölçegleriň köp bölegi arkaly betbagtçylyk tendensiýalaryny we täsirlerini seljermäge mümkinçilik berýär. Esasy peýdasy hökmünde, “DesInventar Sendai” ulgamy, ýerli we sebit derejesine çenli ähli gyzyklanýan taraplaryň arasynda töwekgelçiligi dolandyrmak we betbagtçylyklaryň töwekgelçiligini peseltmek meýilnamalaşdyryş gepleşiklerini goldaýar.