Türkmenistanda maýyplygy bolan adamlaryň hukuklaryny we mümkinýiliklerini öňe sürme

2019-njy ýylyň güýz aýlarynda Türkmenistandaky Birleşen Milletler Guramasy Beýik Britaniýanyň Türkemnistandaky Ilçihabasy we “Ýeňme” jemgyýetçilik birleşmesi bilen iň azyndan 90 sany maýyplygy bolan adamlara el işleri eserlerini we hünär endiklerini tampakda we ugrukdyrmakda Daşoguzda, Türkmenabatda we Aşgabat şaherlerinde üç günlik amaly okuwlaryny gurnady.

Has ynjyk toparlaryň hukuklaryny goramak meselesi hemişe BMG-yň Gün tertibinde durýar sebäbi ol öz içine ähli ýurtlaryň ýolbaşçylarynyň we hyzmatdaşlarynyň mundan beýläk äsgermezlik etmeýän “hiç kimi ýatdan çykarmaly däl” diýen Durnukly ösüş maksatlarynyň esasy ýörelgesini alýar.

Şu ýyl Türkmenistandaky Birleşen Milletler Guramasy “Ýeňme” jemgyýetçilik birleşmesi maýyplygy bolan adamlara iş ýerlerini tapmak üçin giň mümkinçilikleri bermek, olary sosial prosessine çekmek, maliýe durnuklylygy üpjün etmek maksady bilen hyzmatdaşlygy ýola goýdy. “Biz bu taslamany Türkmenistanyň başga welaýatlaryna hem ýaýratmaga we giňeltmäge taýýar” diýip Türkmenistandaky BMG-yň Hemişelik Utgaşdyryjysy Ýelena Panowa belledi.

BMG-yň bilelikdäki taslamasy BMGÖM-nyň Türkmenistanyň hususy pudagyny müýyplygy bolan adamlaryň işe durmaklygy bilen bagly mobilizasiýa etmekdäki tejribesine esaslanandyr. Ýöne bu gezek BMG we hyzmatdaşlary ýurtda bar bolan iş pudagynyň zerurlyklaryny we mümkinçiliklerini nazara alyp, hünär taýýarlygy bermek işlerine başladylar. BMG şeýle-de Türkmenistanyň zähmeti we ilaty sosial taýdan goramak Ministrligine işleri alyp barmakda we ugrukdyrmakda öz bilermen bilimlerini bermegi, şeýle-hem ilatyň ynjyk toparlaryna işe durmak üçin elýeter maksatnamalara syn etmekde başlangyçlary goldamagy teklip etdi.

«Türkmenistanda Hökümete degişli däl jemgyýetçilik edarasynyň bölegi hökmünde, men Daşoguzda maýyplyk soraglary boýunça 1990-njy ýyllaryň başyndan bäri işleýärin. Ýöne hünär taýýarlygy we bilimleri ýokarlandyrmak boýunça soňky amaly okuwy bizde 2003-2004-nji ýyllarda geçirildi. Paýtagtdan daşda ýerleşýändigimiz bizi ýüze çykýan meseleler bilen ýeketäk göreşmäge mejbur edýär. Şeýle amaly okuwlar biziň her birimize pozitiw taýdan pikir etmäge we meseläni çözmekde ýardam berýär. Biz BMG we Beýik Britaniýanyň Ilçihanasy bu taslamany şu ýerde, Daşoguzda geçirýändiklerine biz örän şat,” diýip Daşoguz welaýatynyň maýyplygy bolan adamlar üçin Sport merkeziniň hünärmeni Ibragim Nujanow belledi. 

«Ýeňme» jemgyýetçilik birleşmesi bilen hyzmatdaşlyk bir tarapdan raýat jemgyýetiniň  mümkinçililklerini giňeltmäge mümkinçilik berdi we maksatlaýyn toparlara we welaýatlardaky jemgyýetçilik birleşmelerine has giň elýeterligi üpjün etmäge ýardam berdi. «Ýeňme» - bu belli maýyplygy bolan adamlaryň meseleleri bilen meşgullanýan we başga ynjyk toparlaryna gönükdirilen ýerli jemgyýetçilik birleşmesi.

Şeýlelikde, bilelikdäki taslama giň gerimli hyzmatdaşlyk ulgamy arkaly köp maksatlaryna ýetdi, taslamany dykgatly meýilleşdirmekde usullary işläp düzdi we maýyplygy bolan adamlaryň hukuklary pudagynda tejribe almakda peýda getirdi.

Taslamanyň iň ýokary derejesi hökmünde Roždestwo bazary boldy, onda Daşoguz we Lebap welaýatlaryndan 13-den köp gatnaşyjylar, Aşgabat şäherined 16 sany gatnaşyjy, başga 20 sany goldaw berijiler, suratkeşler bilen öz sungat eserlerini we el işlerini görkezmek, satmak, olar bilen tanyşdyrmak üçin Roždestwo we Täze ýyl baýramçylygynyň öňsyrasynda ýygnandylar.

Roždestwo bazary öz ýakynlary üçin pasyllaýyn sowgatlary satyn almak üçin 600-den köp gelip görýän adamlary ýygnady.