BMG-niň Durnukly ösüş ugrunda hyzmatdaşlygyň çarçuwaly maksatnamasy boýunça bilelikdäki netijeler toparlary 2021-nji ýylda gazanylan üstünlikleri ara alyp maslahatlaşýarlar

Duşuşyklar 2021-nji ýylyň 24-30-njy noýabry aralygynda BMG-niň we Hökümetiň bilelikdäki netijeler boýunça bäş topary boýunça geçirildi:

• NT 1. Adamlaryň bähbidine gönükdirilen dolandyryş we kanunyň hökmürowanlygy
• NT 2. Durnukly ykdysady diwersifikasiýa, bäsdeşlige ukyply hususy we maliýe pudaklary, söwdany we maýa goýumlaryny ösdürmek
• NT 3. Betbagtçylyklaryň töwekgelçiligini azaltmak, howanyň üýtgemegine uýgunlaşmak we durnuklylygyýokarlandyrmak
• NT 4. Ýokary hilli, öz içine alyjy, elýeterli saglygy goraýyş hyzmatlary
• NT 5. Ýokary hilli, öz içine alyjy, elýeterli bilim ulgamlary

Durnukly ösüş ugrunda hyzmatdaşlygyň çarçuwaly maksatnamasynyň durmuşa geçirilmegine jogapkärçilik çekýän BMG-niň düzümleýin edaralarynyň we ministrlikleriň wekillerinden ybarat bolan bilelikdäki netijeler toparynyň agzalary2021-nji ýylda Bilelikdäki hereketler meýilnamalaryny durmuşa geçirmekde gazanylan üstünlikler barada hasabat berdiler. Bilelikdäki hereketler meýilnamalaryny durmuşa geçirmekde ýüze çykan kynçylyklar we geljekde üns berilmeli meseleler hem ara alnyp maslahatlaşyldy.

Duşuşyklarda bilelikdäki netijeler toparlary BMG-niň Ýurt boýunça topary tarapyndan taýýarlanan Türkmenistanyň umumy ýurt boýunça derňewiniň esasy netijeleri bilen tanyşdylar. Derňew, Durnukly ösüş maksatlaryna ýetmek ugrundaky öňegidişlige we ykdysady, durmuş, daşky gurşaw taýdan ösüşe, şeýle hem hiç kimi yzda galdyrmazlyk ýörelgesine päsgel berip biljek töwekgelçiliklere baha berdi.

Hyzmatdaşlygyň çarçuwaly maksatnamasynyň ýerine ýetirilişine gözegçilik etmek meselesinde bu ýygnaklarda netijelerboýunça käbir görkezijileriň kesgitlenmeginiň, anyklanmagynyň we ölçeg usulyýetleriniň has takyklaşdyrylmalydygy ýüze çykaryldy.

Netijeler boýunça toparlar 2021-nji ýylyň Bilelikdäki hereketler meýilnamalary boýunça hasabaty işläp gutarmak we 2022-nji ýyl üçin Bilelikdäki hereketler meýilnamalaryny işläp düzmek barada ylalaşyga geldiler.