Türkmenistanda DÖM (Durnukly Ösüş Maksatlarynyň) Maglumatlar binýadyny işläp düzmegiň ugrunda

Türkmenistanyň Maliýe we ykdysady Ministrliginiň ýolbaşçylygyndaky Iş toparynyň Ministrleriň orunbasarlarynyň derejesindäki agzalary BMG – Türkmenistan bilermenleriniň bilelikdäki ýygnaklarynyň netijelerini DÖM-yň millileşdirilen maksatlarynyň görkezijilerine we maksatlaryna syn etmek üçin gözden geçirdiler. Ara alyp maslahatlaşmalarynyň netijelerini jemläp, Türkmenistanyň Maliýe we ykdysady Ministrliginiň strategiki we durnukly ösüş bölüminiň başlygy DÖM boýunça Iş toparyna DÖM-yň häzirki wagtda 137 maksatdan we 182 görkezijilerinden ybarat milli matrisasynyň üýtgetmelerini tassyklamagy teklip etdi.

Milli Döwlet Statistika Komiteti ESRI hususy kompaniýasy tarapyndan işläp düzülen DÖM-yň maglumatlar binýady bilen tanyş etdi we BMG-yň ykdysady we sosial soraglary boýunça departamentiniň statistiki bölümi tarapyndan berilen tekliplere laýyk gelýän 2019-njy ýylda Meýletin milli synyň çäklerinde eýýam Türkmenistanyň hasabat beren görkezijileri üçin onlaýn tertipde göýbermegi teklip etdi. Gatnaşyjylar şeýle-de maksatlaýyn topary döretmek we DÖM-ry boýunça işlemek üçin her bir bölümçeden bir adam bellemek hakynda ylalaşdylar.  

 «Men 2030-njy ýyla çenli Iş meýilnamasynyň esasy bölegi DÖM-yň gözegçiligini amala aşyrmak bolup durýandygyny belläaim gelýär. Munuň bilen baglylykda, maglumatlaryň hilini we ygtybarlylygyny üpjün etmekde milli statistiki edaralarynyň orny örän wajyp bolup durýar”, diýip BMG-yň Türkmenistandaku hemişelik utgaşdyryjysy Ýelena Panowa belledi.

Duşuşykda şeýle hem Türkmenistan tarapyndan DÖM-y boýunça öz maglumatlaryny global derejede BMG-yň agentlikleri tarapyndan saklanýan halkara maglumatlar binýadyna Adam ösüşi boýunça BMGÖM-yň hasabatynda we durnukly ösüş maksatlary üçin çözgütler tory tarapyndan işläp düzülen DÖM-yň San görkezijisinde Türkmenistanyň abraýyny ýokarlandyrmak maksady bilen tabşyrmagyň mümkin boljak usullary ara alyp maslahatlaşyldy 

Duşuşykda degişli milli edaralaryna maglumatlary BMG-yň jogapkär gulluklary tarapyndan ýollanýan soragnamalary doldurmak arkaly tabşyrmak teklip edildi. Bu hem öz gezeginde, Türkmenistany global derejede DÖM-y babatynna ýetilen sepgitler barada habardar etmegi ýokarlandyrar.