BMG-niň we Hökümetiň hyzmatdaşlyk boýunça çarçuwaly maksatnamasynyň netijeler boýunça toparlary 2021-nji ýyl üçin Durnukly Ösüş ugrunda hyzmatdaşlygyň çarçuwaly Maksatnamasyny durmuşa geçirmek üçin Ýol kartasyny gözden geçirýärler

Netijeler boýunça toparlaryň agzalary 2021-nji ýylda Durnukly ösüş ugrundaky hyzmatdaşlygynyň çarçuwaly Maksatnamasyny durmuşa geçirmek üçin Ýol kartasyny, Bilelikdäki işiň ýyllyk meýilnamalaryny, Serişdelerden peýdalanmak we hyzmatdaşlyk boýunça strategiýany, şeýle hem çarçuwaly Maksatnamasynyň Ýolbaşçy Komiteti tarapyndan hödürlenmeli we tassyklanmaly beýleki meseleleri gözden geçirdiler.

Ýol kartasy, Durnukly ösüş ugrundaky hyzmatdaşlygynyň çarçuwaly Maksatnamasynyň global gollanmasyna, şeýle hem çarçuwaly Maksatnamanyň Ýolbaşçy komitetiniň soňky ýygnagyndaky kararyna laýyklykda işlenip düzüldi we ýylyň dowamynda amala aşyrylmaly çärelerden, Bilelikdäki ýylyk iş meýilnamasyndan we Serişdelerden peýdalanmak we hyzmatdaşlyk boýunça strategiýadan ybaratdyr. Milli hyzmatdaşlar, ösüşiniň ileri tutulýan ugurlaryna laýyk gelýändigi sebäpli Bilelikdäki işiň ýyllyk meýilnamasyna girizilen we meýilleşdirilen çäreleri makulladylar.

Netijeler boýunça toparlaryň agzalary çarçuwaly Maksatnamanyň we DÖM-nyň gazananlaryna gözegçilik etmek üçin maglumatlar boýunça meseleleri ara alyp maslahatlaşdylar we geljekde görmeli çäreler barada ylalaşyga geldiler.

BMG-niň 2021-2025-nji ýyllar üçin Durnukly ösüş ugrunda hyzmatdaşlygyň täze çarçuwaly Maksatnamasyna 2020-nji ýylyň mart aýynyň 14-ne gol çekildi. Ol bäş sany strategiki ugurlary öz içine alýar: netijeli dolandyryş we kanunyň hökmürowanlygy; durnukly ykdysady diwersifikasiýa; betbagtçylyk töwekgelçiligini azaltmak we howa şertleriniň üýtgemegine çydamlylyk; ýokary hilli we elýeter saglygy goraýyş we durmuş taýdan goraglylyk; şeýle hem ýokary hilli, inklýuziw we elýeter bilim we ukyby ýokarlandyrmak üçin ulgamlar.