BMG we ösüş boýunça hyzmatdaşlar Türkmenistanyň ösüş ugrunda ileri tutýan ugurlaryny goldamak üçin tagallalaryny birleşdirmek barada maslahatlaşýarlar

Duşuşygyň açylyş dabarasynda Türkmenistanda BMG-niň Hemişelik utgaşdyryjysy Dmitriý Şlapaçenko, COVID-19 pandemiýasynyň dowam edýän durmuş-ykdysady täsirlerine garşy göreşmek we bu ugurda çözgütleri tapmak üçin milli ulgamlary pugtalandyrmakda yzygiderli goldaw berýän ösüş boýunça hyzmatdaşlarynyň wekillerine minnetdarlyk bildirdi.

Ol "BMG-niň we ösüş boýunça hyzmatdaşlaryň ýurda goldaw bermek boýunça maksatnamalarynyň köpüsi Türkmenistanyň gülläp ösmegi, öz içine alyjy bolmagy we durnuklylygy üçin birmeňzeş maksatlara eýerýändigini bellemek isleýärin" – diýip aýtdy.

BMG-niň 2021-2025-nji ýyllar üçin Durnukly ösüş ugrunda hyzmatdaşlygyň çarçuwaly maksatnamasynyňçäginde döredilen bäş sany netijeler toparynyň BMG-dan gelen egindeş başlyklary aşakdaky bäş ugurboýunça 2021-nji ýylda gazanylan esasy üstünlikleri bilen paýlaşdylar:

1. Adamlaryň bähbidine gönükdirilen dolandyryş we kanunyň hökmürowanlygy

2. Durnukly ykdysady diwersifikasiýa, bäsdeşlige ukyply hususy we maliýe pudaklary, söwdany we maýa goýumlaryny ösdürmek

3. Betbagtçylyklaryň töwekgelçiligini azaltmak, howanyň üýtgemegine uýgunlaşmak we durnuklylygyýokarlandyrmak

4. Ýokary hilli, öz içine alyjy, elýeterli saglygy goraýyş hyzmatlary

5. Ýokary hilli, öz içine alyjy, elýeterli bilim ulgamlary

Ösüş boýunça hyzmatdaşlar hyzmatdaşlygyň ugurlaryny gözden geçirdiler we hyzmatdaşlygy utgaşdyrmagyň mehanizmleri barada ylalaşdylar. Gatnaşyjylaryň hemmesi Türkmenistanyň ösüş boýunça meseleleriniňçözgüdini tapmak üçin bilelikdäki çemeleşmeleriň sazlaşygyny üpjün etmek üçin maglumat, tejribe we pikir alyşmak üçin utgaşdyryş platformasynyň netijelidigini tassykladylar.