DÖM-ny maliýeleşdirmek boýunça bilelikdäki bilermenler topary bank işinde durnukly ösüş ýörelgelerini öwrenýär

Bilelikdäki bilermenler toparynyň agzalary - BMG-niň Ýurt boýunça toparynyň, Maliýe we ykdysadyýet ministrliginiň, Daşary işler ministrliginiň, Türkmenistanyň Zähmet we ilaty durmuş taýdan goramak ministrliginiň, Türkmenistanyň Söwda we daşary ykdysady gatnaşyklar ministrliginiň, Döwlet statistika komitetiniň, Merkezi bankyň we Türkmenistanyň Döwlet daşary ykdysady iş bankynyň wekilleri halkara tejribeler bilen tanyşdylar we bank ulgamynda durnukly ýörelgelerini öňe sürmek üçin çemeleşmeleri ara alyp maslahatlaşdylar.

Gatnaşyjylara durnukly ösüş baradaky düşünjäniň taryhy we geljekki nesilleriň öz zerurlyklarynykanagatlandyrmak ukybyna päsgelçilik döredemýän ösüşi üpjün etmegiň ähmiýeti barada maglumat berildi.

Doktor Ýohanna Dihtl, BMG-niň daşky gurşaw maksatnamasynyň maliýe başlangyjynyň durnuklylyk boýunça bilermeni jogapkärçilikli bank işi boýunça ýörelgeleri hödürledi. Ol 2030-njy ýyla çenli döwür üçin Gün tertibini durmuşa geçirmek we Durnukly ösüş maksatlaryna, şeýle hem Pariž şertnamasynyň maksatlaryna ýetmek üçin ähli gyzyklanýan taraplaryň, şol sanda ykdysadyýetiň bank pudagynyň işjeň gatnaşmagynyň möhümdigini aýtdy. Bu nukdaýnazardan ugur alyp, jogapkärçilikli bank işiniň ýörelgelerini ýerine ýetirmek, ýagny, "utgaşdyrma", "täsir etme we maksatlary ýola goýma", "müşderiler we buýrujylar", "gyzyklanýan taraplar", "dolandyryş we medeniýet", "aç-açanlyk we hasabatlylyk" ýokarda agzalyp geçilen global maksatlarynyň ýetilmegine we howanyň üýtgemegine garşy göreşmekde saldamly goşant goşar.

Seminaryň dowamynda Türkmenistanyň Merkezi bankynyň wekilleri Türkmenistanyň Merkezi bankynyň bank pudagynda durnuklylygy ýokarlandyrmak baradaky garaýyşlaryny paýlaşdylar we şu wagta çenli gazanylan üstünlikleri belläp geçdiler.

Okuw sessiýasy, DÖM-ny maliýeleşdirmek boýunça bilelikdäki bilermenler toparynyň 2021-2022-nji ýyllar üçin Hereket meýilnamasyna laýyklykda gurnaldy.