BMG we Türkmenistanyň Hökümeti 2021-2025-nji ýyllar üçin Durnukly ösüş ugrunda hyzmatdaşlygyň çarçuwaly maksatnamasynyň durmuşa geçirilmeginiň birinji ýylynda gazanylan üstünlikler barada hasabat berdiler

Dolandyryjy komitetiniň agzalary - ministirleriň orunbasarlaryndan ybarat bolan pudaklaýyn ministirlikleriň wekilleri we/ BMG-niň düzümleýin edaralarynyň ýolbaşçylary 2021-nji ýylda gazanylan üstünlikleri gözden geçirmek üçin duşuşdylar.

Netijeler boýunça bäş toparyň egindeş başlyklary 2021-2025-nji ýyllar üçin Durnukly ösüş ugrunda hyzmatdaşlygyň çarçuwaly maksatnamasyny durmuşa geçirmek ugrunda gazanylan esasy üstünlikleri, şeýle hem 2022-nji ýylda hyzmatdaşlygyň geljekki ugurlaryny hödürlediler. Duşuşygyň dowamynda gatnaşyjylar Netijeler boýunça ýyllyk hasabatyny we 2022-nji ýylda Bilelikdäki alnyp baryljak işleriň meýilnamasyny işläp düzmegiň möhleti barada ylalaşyga geldiler.

Mundan başga-da, gatnaşyjylar 2021-nji ýylyň başynda işlenip düzülen we ylalaşylan 2021-2025-nji ýyllar üçin Durnukly ösüş ugrunda hyzmatdaşlygyň çarçuwaly maksatnamasynyň Ýol kartasynyň durmuşa geçirilişine syn berdiler. Onuň durmuşa geçirilmegi barada hasabat aşakdaky bäş ugur boýunça işlenip düzüldi: Durnukly ösüş maksatlaryny (DÖM) durmuşa geçirmek boýunça utgaşdyryş işleri, şol sanda DÖM-niň çarçuwaly syýasaty, DÖM-ny maliýeleşdirmek, DÖM-niň ýerine ýetirilişine gözegçilik etmek we baha bermek; statistiki mümkinçilikleri ýokarlandyrmak; maglumatlaryň elýeterliligi, adam hukuklary ugrunda utgaşdyryş işleri, şeýle hem global pandemiýa garşy göreşmek ugrunda utgaşdyryş işleri.

Duşuşygyň ahyrynda gatnaşyjylar 2022-nji ýyl üçin Ýol kartasyny işläp düzmek we Durnukly ösüş ugrunda hyzmatdaşlygyň çarçuwaly maksatnamasynyň strategiki ugurlary boýunça bilelikdäki hyzmatdaşlygy dowam etdirmek barada ylalaşdylar.