Durnukly Ösüş Maksatlaryna ýetmek üçin türkmen ýaşlarynyň mümkinçiliklerini giňeltmek

Global derejede jebisleşdirmek boýunça özboluşly ornuna, dünýä halklaryna hyzmat etmek borjuna we hyzmatdaş, hem-de araçy hökmünde öz ornuna esaslanmak bilen, Birleşen Milletler Guramasynyň - ýaşlary goramak we olara goldaw bermek üçin çeşme hökmünde, şeýle hem olaryň zerurlyklarynyňkanagatlandyrylmagyny, sesleriniň eşidilmegini hem-de olaryň gatnaşmagyny üpjün etjek platforma hökmünde hereket etmäge mümkinçiligi bar.

Türkmenistanyň Birleşen Milletler Guramasynyň agzalygyna kabul edilmeginiň 30 ýyllygy mynasybetli bir ýyllap dowam etjek kampaniýanyň çäginde Türkmenistanda BMG-niň Hemişelikutgaşdyryjysynyň ýolbaşçylygyndaky BMG-niň ýurt boýunça topary, 2022-nji ýylyň sentýabr-noýabr aýlary aralygynda Türkmenistanyň uniwersitetleriniň 1000-den gowrak talyplarynyň gatnaşmagynda birnäçe leksiýalary gurady.

Türkmenistanyň Daşary işler ministrliginiň Halkara gatnaşyklar institutynyň, Halkara Ynsanperwer ylymlary we ösüş uniwersitetiniň, Magtymguly adyndaky Türkmen Döwlet uniwersitetiniň, Seýitnazar Seýdi adyndaky Türkmen Döwlet mugallymçylyk institutynyň, Myrat Garryýew adyndaky Türkmenistanyň Döwlet lukmançylyk uniwersitetiniň, Daşoguz welaýatynda ýerleşýän Türkmen Oba hojalyk institutynyň, Türkmenistanyň Döwlet energetika institutynyň, Türkmenistanyň serhet institutynyň talyplary durnukly ösüş ugrunda 2030-njy ýyla çenli döwür üçin Gün tertibiniň maksatlary we DÖM-na ýetmekde ýaşlaryň tutýan orny bilen tanyşdylar.

BMG-niň Ösüş Maksatnamasy, BMG-niň Ilat gaznasy, Bütindünýä Saglygy Goraýyş Guramasy, BMG-niň Neşe serişdeleri we jenaýatçylyk baradaky müdirligi we BMG-niň bosgunlaryň meseleleri boýunça müdirligi tarapyndan geçirilen tematiki sessiýalarda howa babatynda gün tertibi, sanly tehnologiýalaryň ösüşi, ýokaryhilli bilim, COVID-19 we saglygy goraýyş ulgamynda onuň bilen baglanyşykly saglyk maksatnamalary, genderdeňligi we zenanlaryň hukuklaryny öňe sürmek we olaryň mümkinçiliklerini giňeltmek, raýatsyzlygy azaltmak, adam söwdasy we başga meseleleri ara alyp maslahatlaşdylar.

BMG-niň Hemişelik utgaşdyryjysy ýaşlar bilen geçiren duşuşyklarynda, olary jemgyýetiň işjeň agzalary bolmaga çagyrdy, çünki ýaşlar dünýäniň iň möhüm meseleleriniň çözgüdini tapmak üçin zerur bolan kuwwata, bilime we döredijilik ukybyna eýedir.

"Haçan-da biz ýaşlara öz ýurdunyň we jemgyýetiniň ösüşinde oňyn we konstruktiw usulda işjeň gatnaşmaga rugsat berenimizde, bu ýaşlaryň ynamyny artdyrýar".

BMG-niň ýurt boýunça topary, Türkmenistanda DÖM-na ýeter ýaly platforma bilen üpjün etmek üçin türkmen ýaşlaryny maksatnamalara we çärelere çekmegi dowam etdirer.