Utgaşdyryjy topar BMG–Türkmenistan hyzmatdaşlygyň çarçuwaly Maksatnamasynyň ýerine ýetirilişine seretdi

Öz çykyşynda jenap Şlapaçenko BMG bilen Türkmenistan hökümetiniň arasyndaky özara gatnaşyklaryň ýokary derejesini nygtady we BMG-niň Durnukly Ösüş Maksatlaryna (DÖM) ýetmek üçin milli ileri tutulýan ugurlaryny goldamagy dowam etdirmäge taýýardygyny tassyklady.

Mejlisiň dowamynda 2025-nji ýyl üçin milli ösüşiň ileri tutulýan ugurlary we olaryň Bilelikdäki iş meýilnamalarynda beýan edilmegi ara alnyp maslahatlaşyldy. Iş toparlarynyň wekilleri sebitdäki esasy ileri tutulýan ugurlary, potensial töwekgelçilikleri we päsgelçilikleri aýtdylar. Ara alyp maslahatlaşmadan soň, 2025-nji ýyl üçin Bilelikdäki iş meýilnamalary tassyklanyldy.

Mejlisiň esasy bölekleriniň biri, 2026–2030-njy ýyllar üçin täze BMG–Türkmenistan Durnukly Ösüş boýunça hyzmatdaşlygyň çarçuwaly Maksatnamasynyň we BMGÖM, ÝUNISEF we ÝUNFPA guramalarynyň ýurt maksatnamalarynyň ara alnyp maslahatlaşylmagy boldy. BMG-niň Hemişelik utgaşdyryjysynyň edarasynyň ýolbaşçysy hanym Selbi Hanowa iki tarapyň hem bilelikdäki kömegini we goldawyny aljak täze hyzmatdaşlygyň çarçuwaly Maksatnamasynyň strategiki ugruny hödürläp çykyş etdi.

Şeýle hem, mejlisde BMG-niň Hemişelik utgaşdyryjysynyň edarasynyň hünärmeni jenap Maksat Keşiýewiň ýolbaşçylygyndaky çeşmeleri mobilizlemek tagallalaryna we maliýeleşdiriş tendensiýalaryna syn berdi. Bu gepleşik, hyzmatdaşlygyň çarçuwaly Maksatnamsynyň durmuşa geçirilmegini goldamak üçin ösüşi maliýeleşdirmegiň utgaşdyrylyşyna we netijeliligini ýokarlandyrmaga gönükdirildi

Duşuşygyň ahyrynda Türkmenistanyň Daşary işler ministriniň orunbasary hanym Mähri Bäşimowa we BMG-niň Hemişelik utgaşdyryjysy jenap Dmitriý Şlapaçenko Türkmenistanyň durnukly ösüşi üçin hyzmatdaşlygy pugtalandyrmak isleýändiklerini ýene bir gezek tassykladylar.