Waka

Durnukly ösüş maksatlarynyň ýaş ilçileri Türkmenistanda 2030-njy ýyla çenli meýilleşdirilen Gün tertibini goldap çykyş ederler

01 aprel 2019

Dünýädäki adamlar özleriniň durmuşyna täsir edýän meselelerini 1,8 milliard ýaşlaryň seslendirenlerini eşitmek isleýärler.

Ýaş adamlaryň meseleleriň çözgütlerini hödürlemäge, özgerişleri durmuşa geçirmäge we nesilleriň ýaşaýşyny özgertmäge ygtyýary bar. Türkmenistanyň ýaşlary hem şeýle niýetleriň tarapdary. Türkmen ýaşlarynyň potensialyny ýüze çykarmak üçin, Birleşen milletler guramasynyň ýurt boýunça topary, Durnukly ösüş maksatlarynyň milli merkezi, Türkmenistanyň Ykdysadyýet we maliýe ministrligi hem-de Türkmenistanyň Daşary işler ministrligi ýaşlaryň Durnukly ösüş maksatlary barada bolan bilimiň milli derejede ýokarlandyrylmagyna nähili goşant goşup biljekdikleri baradaky pikirlerini beýan etmäge çagyrdylar.

2018-nji ýylda 47 sany höwesjeň bäsleşige gatnaşdy, onuň netijesinde BMG milli hyzmatdaşlar bilen bilelikde Türkmenistanyň ähli sebitlerinden Durnukly ösüş maksatlarynyň ilçileri bolmak üçin 17 sany ýaş adamlary saýlady.

Durnukly ösüş maksatlarynyň ýaş ilçileri durmuş taýdan işjeň adamlar bolup, öz ýerli jemgyýetleriniň öňdebaryjylary bolup durýarlar. Olaryň her biri bir ýylyň dowamynda bütindünýä maksatlarynyň bir sanysyny öz deň-duşlarynyň arasynda wagyz eder, ýagny ýaşlaryň arasynda durnukly ösüş barada maglumaty ýaýradar, Durnukly ösüş maksatlary ugrunda täze hyzmatdaşlygy ýola goýmak üçin milli we sebitleýin derejelerde hyzmatdaşlyk boýunça platformany döreder.

Bu hereketi başlamak üçin, BMG Demokratiýa merkeziniň müdiri Jim Şultsy çagyrdy, ol Durnukly ösüş maksatlarynyň ilçileri üçin öz işlerinde ulanjak netijeli wagyz ediş usullary ugrunda potensialy döretdi.

Şu gün Durnukly ösüş maksatlarynyň ilçileri Türkmenistanyň milli we halkara guramalary tarapyndan geçirilen ýokary derejeli çärelerine çagyryldy, bu ýerde olar “ähli adamlar üçin” durnukly ösüş baradaky pikirlerini paýlaşar we olary wagyz eder.

“Durnukly ösüş maksatlarynyň ýaş ilçileriniň orny ilatyň arasynda ähli derejelerde Durnukly ösüş maksatlaryny wagyz etmegiň üsti bilen jemgyýetiň we dünýäniň ösüşine goşant goşmakdan ybarat” diýip, Durnukly ösüş maksatlarynyň 17-nji ilçisi, Halkara ynsanperwer ylymlary we ösüş uniwersitetiniň talyby Kemal Gaýtnazarow aýtdy.

Şeýle başlangyç Türkmenistanda ilkinji gezek bolup geçýär. Türkmenistanyň Hökümeti tarapyndan başa goýlan milli maksatnamalary durmuşa geçirmäge ýaşlary çekmek 2030-njy ýyla çenli meýilleşdirilen Gün tertibini durmuşa geçirmek bilen gönüden-göni baglanyşykly bolup durýar.

2019-njy ýylyň iýul aýynda Türkmenistan Nýu Ýork şäherinde BMG-niň edara binasynda geçiriljek ýokary derejeli syýasy forumda özüniň Meýletin milli synyny görkezer. Türkmenistanyň wekilýetiniň düzüminde Durnukly ösüş maksatlarynyň ilçileriniň biriniň boljakdygyna garaşylýar.

Bu işe ýaşlary çekmek we olara ygtyýar bermek Türkmenistanyň ileri tutýan ýörelgesidir. Şeýlelik bilen, geliň ýaşlara innowasion çözgütleri teklip etmäge we özgerişleriň ilçileri bolmaga mümkinçilik bereliň. Bu döredijilikli başlangyjyň kömegi bilen Türkmenistanyň ýaşlary Durnukly ösüş maksatlary barada iňňän möhüm habarlary ýaýradarlar we ähli maksatlara hem-de ugurlara ýetmekde döwlete ýardam bererler!