Press reliz

BMG-nyň Türkmenistan bilen hyzmatdaşlygynyň bahalandyrmasy geljekki hyzmatdaşlyga ýol açýar

27 iýun 2019

Birleşen Milletler Guramasynyň Türkmenistandaky edarasy netijelerini ministrleriň orunbasarlary derejesindäki milli ýolbaşçylyk ediji we utgaşdyryjy komitete BMG bilen Türkmenistanyň arasyndaky 2016-2020-nji ýyllarda hyzmatdaşlygyň garaşsyz bahalandyrmasynyň yglan etdi.

Soňra indiki maksatnamalaýyn aýlaw bolan 2021-2025 ýyllar üçin Durnukly ösüş boýunça hyzmatdaşlygyň ýollary yglan edildi.

Bahalandyrma boýunça garaşsyz bilermenleriň wezipesi hyzmatdaşlygyň täze çäklerinde hökümet bilen BMG-nyň öňe sürýän iş ýöredişinden, usulyýetinden hem-de esasy maslahatlaryndan ybarat bolup durýar.

Bahalandyrmanyň maksady ösüş üçin hyzmatdaşlygyň indiki çäkleýin maksatnamasyny meýilleşdirmegiň indiki aýlawyna maglumat bermek we Türkmenistanda BMG-ny utgaşdyrmagy gowulandyrmak üçin esasy netijeleri hem-de öwrenilen sapaklary çykarmakdan, başga tarapdan bolsa, ýurtda ylalaşylan milli maksatlara we ileri tutulýan ugurlarda BMG-nyň ulgamynyň hasabatlylygyny saklamakdan ybarat bolup durýar.

Iki häpdäniň dowamynda bilermenler gyzyklanma bildirýän taraplar, ýagny esasy hökümet hyzmatdaşlary, donorlar jemgyýetiniň agzalary, raýat jemgyýetiniň guramalarynyň esasy wekilleri, BMG-nyň döwlet toparynyň agzalary hem-de ýerine ýetiriji hyzmatdaşlar bilen söhbetdeş boldular.

Bahalandyrma boýunça bilermenler 2016-2020 ýyllar boýunça hyzmatdaşlyk maksatnamasynyň netijelerini öwrendiler, döwrebaplygyny, durnuklylygyny, maksatnamanyň netijeliligini hem-de ony durmuşa geçirmegiň döwründe alnan netijeleri kesgitlediler.

Bahalandyrma wezipeleriniň deslapky netijeleri BMG-nyň ösüş üçin hyzmatdaşlyk maksatnamasynyň 5 toparynda ara alnyp maslahatlaşyldy we ministrleriň orunbasarlary hem-de Türkmenistandaky BMG-nyň agentlikleriniň ýolbaşçylary tarapyndan tassyklandy.

“BMG-nyň agentlikleriniň agzalaryndan hem-de milli hyzmatdaşlardan düzülen BMG-nyň ösüş üçin hyzmatdaşlyk maksatnamasynyň çäklerinde emele gelen Toparlaryň, ýagny ösüş üçin hyzmatdaşlyk maksatnamasyny durmuşa geçirmegiň monitoring we hasabatlylyk mehanizmleriniň milli derejede üýtgeşmelere tiz täsir etmek hem-de maksatnama üýtgeşmeleri girizmek üçin örän netijeli bolandygyny belläp geçmek guwandyryjy bolup durýar” – diýip, BMG-nyň bahalandyrma boýunça bilermeni jenap Elinor Baýraktari belläp geçdi.