BMG-niň Netijeler boýunça topary 2017-nji ýyl üçin Iş maksatnamalary ara alyp maslahatlaşýar

2017-nji ýylyň aprel aýynyň 4-18-i aralygynda geçirilen birinji tapgyrdaky duşuşyklarda Türkmenistan bilen BMG-niň arasyndaky 2016-2020-nji ýyllar üçin Ösüş ugrunda hyzmatdaşlyk boýunça çarçuwaly maksatnamasynyň çäklerinde düzülen Netijeler boýunça bäş sany bilelikdäki toparyň agzalary Gözegçilik etmek we baha bermek boýunça meýilnamalary ara alyp maslahatlaşmagy tamamlady we 2020-nji ýyla çenli Gözegçilik etmek we baha bermek boýunça senenamalary işläp düzdi.

Degişli ministrlikleriň hem-de BMG-niň hünärmenleri Ösüş ugrunda hyzmatdaşlyk boýunça çarçuwaly maksatnama babatda gazanylan netijelere baha bermek we Gözegçilik meýilnamalaryny jemlemek üçin görkezijiler boýunça zerur bolan maglumat barada maslahatlaşdy. Gözegçilik etmek we baha bermek boýunça 2020-nji ýyla çenli umumy senenama ara alnyp maslahatlaşyldy we işlenilip düzüldi.    

Netijeler boýunça topar 2016-njy ýylda hem-de 2017-nji ýylyň birinji ýarymynda gazanylan netijeler barada hasabat bermek maksady bilen, indiki duşuşygy şu ýylyň ikinji ýarymynda geçirmek kararyna geldi. Ikinji duşuşykda gelnen netijelerden soň ýurt boýunça netijeleriň hasabaty taýýarlanylar. 

Ondan başga-da, ýylyň soňunda ministrleriň orunbasarlary derejesinde Milli dolandyryjy we utgaşdyryjy komitetiniň duşuşygyny geçirmek meýilleşdirilýär. Bu duşuşykda Ösüş ugrunda hyzmatdaşlyk boýunça çarçuwaly maksatnamanyň görkezijilerindäki esasy üýtgeşmeler we maksatnama boýunça gazanylan netijeler boýunça hasabatlar görkeziler. 

Toparyň agzalaryna Gözegçilik etmek we baha bermek boýunça mümkinçilikleri giňeltmek babatda çäräniň 2017-nji ýylyň noýabr aýynda geçiriljekdigi barada habar berildi.