Türkmenistanda 2030-njy ýyla çenli döwür üçin Durnukly ösüşiň Gün tertibini ýerine ýetirmek maksady bilen hyzmatdaşlyk gatnaşyklaryny ýola goýmak

Duşuşykda Birleşen Milletler Guramasynyň Durnukly ösüş ugrunda hyzmatdaşlyk boýunça çarçuwaly maksatnamasynyň (UNSDCF) ileri tutulýan ugurlaryny durmuşa geçirmek üçin BMG we ösüş hyzmatdaşlaryň arasyndaky mümkinçilikler öwrenildi, şeýle hem umumy gyzyklanma döredýän ugurlary we bilelikdäki tagallalary giňeltmegiň we durmuşa geçirmegiň ýollary kesgitlenildi.

BMG-niň Türkmenistandaky Hemişelik utgaşdyryjysynyň wezipesini ýerine ýetirijisi gatnaşyjylara ýurtda DÖM-ň gazanylmagyny tizleşdirmäge gönükdirilen umumy hyzmatdaşlygyň ileri tutulýan ugurlary barada habar berdi.

BMG-niň Hemişelik utgaşdyryjysynyň wezipesini ýerine ýetirijisi hanym Kristin Weigand: "2030-njy ýyla çenli döwür üçin Durnukly ösüşiň Gün tertibiniň maksatlaryna ýetmek üçin  iň ýokary derejedäki pudakara hyzmatdaşlygyň bolmagy talap edilýändigi sebäpli, döwlet we hususy pudaklaryň ösüş ugrundaky hyzmatdaşlary bilen tagallalaryň birleşdirilmegi üstünlik gazanmagyň möhüm şertidir"- diýip, belledi.

BMG-niň 2021-2025-nji ýyllar üçin Durnukly ösüş ugrunda hyzmatdaşlyk boýunça täze çarçuwaly maksatnamasynyň bäş netije toparlaryň BMG tarapyndan başlyklary aşakdaky ugurlar boýunça ileri tutulýan meseleleri barada çykyş etdiler:

• Pugtalandyrylan dolandyryş we kanunyň hökmürowanlygy;
• Durnukly ykdysady diwersifikasiýa;
• Daşky gurşawyň dolandyryş netijeliligini ýokarlandyrmak we howanyň üýtgemegine durnuklylyk;
• Ýokary hilli, inklýuziw saglygy goraýyş we durmuş taýdan goraglylyk;
• Ýokary hilli bilim we başarnyklar.

Çykyşlaryň dowamynda BMG-niň agentlikleriniň ýolbaşçylary geljekki hyzmatdaşlygy ösdürmek üçin mümkinçilikleriň mysallaryny teklip etmek bilen ýokardaky ileri tutulýan ugurlary durmuşa geçirmek boýunça tagallalaryň birleşdirilmeginiň zerurdygyny nygtadylar.

BMG-niň Hemişelik utgaşdyryjysynyň edarasy tarapyndan Birleşen Milletler Guramasynyň Durnukly ösüş ugrunda hyzmatdaşlyk boýunça çarçuwaly maksatnamasynyň (UNSDCF) Resurslaryny çekmek we hyzmatdaşlyk boýunça strategiýasy bilen tanyşdyrylandan soň, Beýik Britaniýanyň Aşgabatdaky ilçihanasynyň, Germaniýanyň halkara hyzmatdaşlyk boýunça jemgyýeti (GIZ), ABŞ-niň Halkara hyzmatdaşlyk boýunça agentligi (USAID) we Aziýanyň Ösüş Banky ýaly guramalaryň wekilleri özleriniň ýurt boýunça meýilnamalarynyň ileri tutulýan ugurlaryny beýan etmek, hem-de BMG-niň ýokarda agzalan ileri tutulýan ugurlary bilen ara-baglanyşygyny görkezmek üçin çykyş etdiler. Şeýle hem çykyş edenler ýurduň durnukly ösüşini utgaşdyrylmagyny we köpçülikleýin goldanylmagyny üpjün etmek üçin BMG we beýleki ösüş hyzmatdaşlary bilen geljekde hyzmatdaşlyk etmek üçin potensial ugurlary teklip etdiler.

Durnukly ösüş maksatlaryna ýetmek üçin ösüş netijelerini gazanmak maksady bilen işjeň ösüş hyzmatdaşlarynyň arasynda güýçlendirilen utgaşdyryş arkaly Türkmenistanda milli meýilnamalaşdyryş işlerinde ösüş hyzmatdaşlygynyň täsirini, netijeliligini we utgaşdyrylyşyny ýokarlandyrmak ugrundaky tagallalaryny güýçlendirmek üçin Ösüş ugrunda hyzmatdaşlaryň utgaşdyryjy platformasy döredildi.

Platformanyň döredilmeginiň maksady, ösüş maksatlary üçin netijeli hyzmatdaşlyga ýardam bermek arkaly ösüş ugrunda hyzmatdaşlar tarapyndan Turkmenistanyň goldanylmagyny güýçlendirmekden şeýle hem birnäçe ösüş hyzmatdaşlarynyň biri-biriniň tagallalaryndan habarsyz bolmazlygyny we birmeňzeş taslamalaryň biri-biriniň üstüni ýetirmegini üpjün etmek üçin özara gatnaşyklary berkitmekden we tagallalary utgaşdyrmakdan ybaratdyr.