BMG-niň Türkmenistandaky edarasy DÖM-iň ýaş ilçileriniň täze toparyny garşy alýar

BMG-niň Hemişelik utgaşdyryjysy jenap Dmitriý Şlapaçenko gutlag ýüzlenmesinde ýaşlaryň global ösüş tagallalaryna gatnaşmagynyň möhümdigini aýtdy:

“2024-nji ýyl durnukly ösüş ýolunda öwrülişik nokady boljakdygyny wada berýär. Şu ýylyň sentýabr aýynda geçiriljek Geljegiň Sammidinde dünýä liderleri, bilermenler we raýat jemgyýetiniň wekilleri adamzadyň öňünde durýan esasy kynçylyklary we mümkinçilikleri ara alyp maslahatlaşarlar. DÖM-iň ýaş ilçileri hökmünde bu möhüm çärä taýýarlyk görmekde we oňa gatnaşmakda aýratyn orna eýe bolarsyňyz."

Ýygnaga öňki toparyň agzalary hem gatnaşdylar. Olar DÖM-iň milli we dünýä derejesinde habardarlygyny ýokarlandyrmakdan gazanan gymmatly tejribelerini we düşünjelerini paýlaşdylar.

DÖM 13 ilçisi Sabrina Guseýnowa öz geçen ýoly barada oýlanyp, şeýle diýdi:

“DÖM-iň ilçisi hökmünde howanyň üýtgemeginiň derwaýys meselelerini çözmäge çalyşýaryn. Bu rol maňa innowasion çözgütleri almaga we planetamyzy goramak üçin köpçülikleýin hereketlere ylham bermäge mümkinçilik berýär. Bilelikde geljekki nesil üçin howanyň üýtgemeginiň täsirleriniň azaldylmagyny üpjün edip, durnukly geljegi gurup bileris.”

Täze topar, şeýle hem BMG-niň dürli guramalarynyň, şol sanda BMG-niň Hemişelik utgaşdyryjysynyň edarasy, ÝUNISEF, BMG-niň Ilat gaznasy, BMG-niň Neşeler we jenaýatçylyk boýunça müdirligi, Halkara Migrasiýa guramasy we BSGG bilen durnukly ösüş maksatlaryna ýetmek üçin netijeli hyzmatdaşlyga esas döretdi.